تورکیه مطبوعاتی اؤزتی 05.11.2019
خبر تورک: "انفلیاسیون سون 3 ایلین ان آشاغی سویه‌سینده"
تورکیه مطبوعاتی اؤزتی 05.11.2019
وطن: "ترور تشکیلاتی‌نین سیلاح آنبارلاریندا آمریکانین قومپاره توپ‌لاری تاپیلدی" تورک سیلاح‌لی گوج‌لری و سوریه میللی اوردوسو، سوریه‌نین راس العین محلینده تروریست‌لره عایید بؤیوک بیر سیلاح آنبارینی داها اورتایا چیخاردی. مهماتی آمریکا مالی اولدوغو تثبیت ائدیلدی. پرزیدنت رجب طیب اردوغان، آمریکانی بؤلوجو ترور تشکیلاتی ی.پ.گ / پ.ک.ک-یا اون مین‌لرله دگر دولوسو سیلاح و مهمات گؤندرمکله موتتفیق‌لیک علاقه‌لرینه ضرر وئردیگی موضوعسوندا خبردار ائتمیشدی.
یئنی شفق: "باریش پیناری عملیاتیندا وطنداش‌لارا، تاریخی / دینی آلت یاپیلارا ضرر وئریلمه‌دی" میللی ساوونما ناظیرلیگی، سوریه‌نین قوزئیینده بؤلوجو ترور تشکیلاتی ی.پ.گ / پ.ک.ک و داعشه قارشی حیاتا کئچیریلن باریش پیناری عملیاتیندا وطنداش‌لارا، تاریخی، دینی آلت یاپیلارا، اطراف موحیطه ضرر وئریلمدیگینی بیلدیردی. ناظیرلیگین آچیقلاماسیندا "تل ابیض و راس العین‌داکی کیلسه‌لر حرکات‌دان ائتکیلنمدی دئییلدی. ناظیرلیگین اجتماعی مئدیا توئیتر حسابینداکی پایلاشماسیندا بؤلگه‌دکی آلت یاپیلارین فوتوشکیل‌لرینه ده یئر وئریلدی.
ایستار: "قازاخیستان دان تورکیه‌یه یاتیریم‌لارینیزدا بازا اولا بیلریک مساژی "قازاخیستان‌ین آنکارا سفیری آبزال ساپاربئکولی، 10 نوامبردا ایستانبول دا کئچیریله‌جک تورکیه-قازاخیستان ایش و یاتیریم فورومو اوّلی ایکی اؤلکه ایقتیصادی علاقه‌لرینه ایستیقامت‌لی قیمتلندیرمه ائتدی. ساپاربئکولی، تورکیه و قازاخیستان‌ین ایمکان‌لارینی قیمتلن‌دیرمک اوچون بیرلیکده چالیشمالیییق. قازاخیستان، تورکیه‌یه موکممل بیر بازا اولابیلر. دئدی.
خبر تورک: "انفلیاسیون سون 3 ایلین ان آشاغی سویه‌سینده"
ایللیک انفلیاسیون اوکتوبر آییندا 0.7 پوآن آزالا‌راق یوزده 9.26 دان یوزده 8.55 ه گئریله‌دی. بئله‌جه ایللیک انفلیاسیون تخمینن سون 3 ایلین ان آشاغی سویه‌سینه گئریلمیش اولدو. اوکتوبر آییندا ایشلنمیش قیدا قیمت‌لرین‌دکی ائنیش، انفلیاسیونو آشاغی چکدی. خزینه و مالی ناظیری برات آلبایراک، 'انفلاسیونلا موباریزه آددیم‌لاریمی میوه‌لرینی وئریر آچیقلاماسینی ائتدی.
حریت: "طبیعی گاز و نفت‌دن 5 دنیز سونداژی ائدیله‌جک"
2020 ایلی پرزیدنت ایللیک پروقرامینا گؤره، دولتین، گله‌جک ایل انرژی سکتورونا 13 میلیارد 864 میلیون لیره یاتیریم ائتمه‌سی نظرده توتولور. تورکیه، قوزئی قیبریس تورک جمهورتی دنیز سندلی ساحه‌لری داخیل اولماقلا نفت و طبیعی گازدان 2020 ده 5 دنیز قازما ائده‌جک.
ایلگیلی‌لی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.
