تورکیه مطبوعاتی اؤزتی 4.10.2019
ایستار: "تورکییه اسکی دنگهلری پوزور"
وطن: "اردوغاندان ائتنواسپور کولتور فستیوالی پایلاشیمی"
پرزیدنت رجب طیب اردوغان، ایستانبولدا دونن باشلایان و هفته سونونا قدر داوام ائدجک اولان ۴.جو ائتنواسپور کولتور فستیوالی ایله باغلی مئساژ یاییملادی. اردوغان، سوسیال مئدیا تویتر حسابیندان، "گلهنکسل ایدمانیمیزین و کؤکلو مدنیتیمیزین یاشادیلماسی و گلهجک نسیللره چاتدیریلماسی کیمی اؤنملی بیر وظیفهنی یئرینه یئتیرهن ۴.جو ائتنواسپور کولتور فستیوالینین خیرلی اولماسینی آرزولاییرام" ایفادهلرینی ایشلتدی.
حریت: "تورکییهنین گوونلی بؤلگه پلانلاری حاضر"
میللی ساوونما باخانی خولوصی آخار، آمریکا بیرلشمیش دؤولتلری ساوونما باخانی مارک اسپر ایله سوریهده گوونلی بؤلگهنین قورولماسینا یؤنهلیک چالیشمالارا دایر تلفن دانیشیغیگرچکلشدیردی. باخان آخار طرفیندن فرات قالخانی عملیاتیندا داعش منسوبو ۳ میندن چوخ تروریستی ائتکیسیزلشدیرهن تورکییهنین گونئیینده ترور کوریدورو یارادیلماسینا ایجازه وئریلمهیهجگی وورغولاندی. آخارین اسپره، "فراتین دوغوسوندا تقریباً ۳۰ کیلومتر درینلیکده، سرحد بویو آغیر سلاحلاردان و تروریستلردن تمیزلنمیش گوونلی بؤلگه / باریش کوریدورو یارادیلماسی و گئجیکدیرمه اولورسا بو ایشلرین سونلاندیریلاجاغی و تورکییهنین بوندا سون درجه قرارلی اولدوغو" مئساژی وئریلدیگینه ایشاره ائدیلدی.
خبر تورک: "تورکییه تیجارت ساواشلاریندان قازانجلی چیخابیلر"
خزانه و مالیه باخانی برات آلبایراق، اقتصادا دایر اؤنملی آچیقلامالار وئردی. تورکییه-آمریکا تیجارت ایلیشکیلرینه توخونان آلبایراق، "تیجارت ساواشلاریندان قازانجلی چیخابیلهجک بیر اؤلکهییک. آمریکا ایکی اؤلکه ایلیشکیلرینین گلیشدیریلمهسی اوچون ایستکلی" دئدی. تورکییه ایله تیجارت ائتمهنین دیگر اؤلکهلره منفت وئرجگینی وورغولایان آلبایراق، "تورکییه یاتیریمچیلار اوچون چئکیجی بیر اؤلکه" ایفادهسینی ایشلتدی.
ایستار: "تورکییه اسکی دنگهلری پوزور"
فراسادا لو موند قزئتی، تورکییهنین اولوسلارآراسی صحنهده سسینی دویوران و اسکی دنگهلری پوزان بیر اؤلکه اولدوغونو یازدی. آنکارانین چوخ یؤنلو بیر خاریجی سیاست تطبیق ائتدیگینه دقت چکن فرانسا قزئتی، تحلیلینده اؤز میللی ماراقلاری اوچون لازیم اولاندا گوج قوللانماسی، یئنی متفیقلر توتماسی و قلوبال سیستمین فعالیتینی دارتیشمایا آچماسی سببی ایله اسکی دنگهلری پوزان بیر اؤلکه دورومونا گلدیگینی وورغولادی. بوندان باشقا، لو موند، تورکییهنین آرتیق کۆرهسل صحنهده سسی داها چوخ دویولدوغونو بیلدیردی.
یئنی شفق: "یئرلی اویدو ایستانبولو گؤرونتولهدی"
۲۰۱۲ تاریخینده اوزایا آتیلان گؤکتورک-۲ اویدوسو، دونیادان تخمیناً ۶۸۵ کیلومتر یوکسکلیکدهکی اوربیتیندن بیلگی گؤندرمهیه داوام ائدیر. دونانیمین یورده ۸۰ی، یازیلیملارینین یوزده ۱۰۰و تورک مهندسلری طرفیندن ائدیلن اویدو ایستانبولو گؤرونتولهدی. یوکسک چؤزونورلوکلو گؤرونتولر گؤندرهن اویدو، ۹۰ دقیقهده دونیا اطرافیندا دؤنهبیلیر. اویدو، تخمیناً ۶۴۰ کیلومترلیک بیر بؤلگهنین گؤرونتوسونو تک گئچیشده ائندیرهبیلهجک قدر یوکسک سرعتلی بیلگی خبرلشمهسینه صاحب.
ایلگیلیلی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.