تورکیه مطبوعاتی اؤزتی 17.07.2019

تورکیه مطبوعاتی اؤزتی 17.07.2019

حرّیت: "تورکیه‌دن آغدنیزده یئنی آددیم: اوروج رئیس گمی‌سی آراما‌لارا باشلاییر"

انرژی و طبیعی رزرولر ناظیری فاتیح دؤنمز، سوسیال مئدیا توئیترحسابیندان آغدنیزدکی آراما‌لارا ایلیشکین یئنی آددیمی پایلاشدی. ناظیر خیلاف چیخماز، آختارما و قازما ایشلری ایچین اوروچ رئیس گمی‌سی‌نین ده وظیفه‌یه باشلایاجاغینی بیلدیریب.

ایستار: "ایسپانیا‌دان آوروپا بیرلیگینه تورکیه خبردارلیغی: ایکی دفعه دوشونملیگیک"

ایسپانیا خاریجی ایشلر ناظیری جوسپ بورل، آوروپا بیرلیگینه تورکیه حاقیندا شرق آغدنیزدکی قازما فعالیت‌لریله باغلی قرار آلما‌دان اؤنجه دیپلوماسی آپارماسی چاغیریب. "تحریم‌لرده گئتمه‌دن اوّل ایکی دفعه دوشونملیگیک." ایفاده‌سینی ایشله‌دن بورلل، "چونکی تحریملر تطبیق اولوندوق‌دان سونرا داشیندیریجی‌لیق-لارینی ایتیریرلر. بو حادثه‌ده دانیشیق‌لارا قایتاریلماسینی تشویق ائتمک، گرگینلیگین آرتماسینی قارشی‌سینی آلماق لازیم‌دیر. حاضیردا دیپلوماسی واختی". دئدی.

خبر تورک: "ایستانبولدا تاریخی رکورد، 5 آیدا 5.4 میلیون توریست گلیب"

ایستانبولو زیارت ائدن خاریجی توریست‌لرین ساییسی ایلک 5 آیدا اؤتن ایلین عینی دؤورونه گؤره یوزده 11 آرتیملا 5 میلیون 416 مین نفره یوکسلرکن، بو ساحه‌ده تاریخی رکورد قیریلیب.

وطن: "تورکیه می‌ده آوروپا بیرلیگی ایله تیجارت آرتیغی وئریب"

آوروپا ایستاتیستیک اوفیسی (یوروستات)، آوروپا بیرلیگی و یورو بؤلگه‌سی‌نین می آییندا بین الخالق تیجارت گؤستریجی‌لرینی یاییب. بونا گؤره، می آییندا تورکیه، آوروپا بیرلیگینه 6 میلیارد 873.8 میلیون یورولوق ایخراج ائدیب. آوروپا بیرلیگیندن 6 میلیارد 309.3 میلیون یورولوق ایدخال حیاتا کئچیرن تورکیه، می‌ده 564.5 میلیون یورو تیجارت آرتیغی وئریب.

یئنی شفق: "تورکیه‌یه یاتیریم سفربرلیگی باشلادی‌لار"

هولند تورک ایش آدام‌لاری درنکی‌نین بونیه‌سینده یارادیلان، هولند - تورکیه تیجارت امکداش‌لیغی مرکزی "تورکیه‌یه یاتیریم سفربرلیگی" باشلاتدی. 1 تریلیون 256 میلیارد یورو یولون‌داکی خاریجی سرمایه احتیاطینا دقت چکن شخص‌لر، سؤز قونوسو یاتیریم‌دان یارارلانا‌جاق 9 اؤنجه‌لیک سکتورو ساغلیق، اکینجیلیک، ارزاق و حیواندارلیق، اینفورماسیون، شیمیایی، یارادیجی صنایع‌لر، انرژی / یئنیلنه‌بیلیر انرژی، هاواجیلیق و کوسموس، یوکسک تکنولوژی صنایع‌لری، سو ایدارچی‌لیگی، گمیچی‌لیک و دنیزچی‌لیک اولا‌راق سیرالادی.