تورکیه مطبوعات اؤزتی 06.05.2019
ناتو باش کاتیبی ینس استولتنبرگ روسیا‌دان اس-400 قبولونا دایر، نیظامی تجهیزات تداروکو مسئله‌سی، اؤلکه‌لرین میللی قراری دئمک‌دیرآچیقلاماسیسینی وئریب
تورکیه مطبوعات اؤزتی 06.05.2019
ایستار: "ناتو و تورکیه‌دن آرد-آردا اس-400 آچیقلاماسی"
ناتو باش کاتیبی ینس استولتنبرگ روسیا‌دان اس-400 قبولونا دایر، نیظامی تجهیزات تداروکو مسئله‌سی، اؤلکه‌لرین میللی قراری دئمک‌دیرآچیقلاماسیسینی وئریب. پرزیدنت معاوینی فواد اوکتای ایسه اس-400له باغلی قرار وئریلیب. تورکیه بیر آنلاشما‌یا ایمضا آتدیق‌دان، سؤز وئردیک‌دن سونرا بو سؤزونو یئرینه یئتیریر. دئدی.
خبر تورک: "ناظیر حولوصی آکار قیبریس مساژی"
تورکیه میللی ساوونما ناظیری حولوصی آکار، تورکیه‌نین، شرقی آغدنیزی و اژه دنیزی بین الخالق حقوق‌دان قایناق‌لانان حاق‌لاری‌نین یانیندا، تامیناتچی اؤلکه اولماسی سببین‌دن قوزئی قیبریس تورک جمهوریتی خالقی‌نین حاق‌لارینی دا هر زامان قوروماغا و اولدو- بیتدی‌لره ایمکان وئرممه‌یه قرارلی اولدوغونو دئدی. آکار، یونانیستان مقام‌لاری‌نین اژه دنیزی، شرقی آغدنیزینه یؤنلمیش آچیقلاما‌لارینا موناسیبتی، اعتیلالی و ایش بیرلیگینه چاغیریب. آکار، تورکیه‌نین میللی حاق و منفعت‌لرینی فعال، چکیندیریجی و حؤرمتین میللی گوج منسوبلاری لازیم اولاندا قوروماغا حاضیر اولدوغونو دا ایفاده ائتدی.
حرّیت: "کوشاداسیندا کرووازیئر برکتی"
هولند و مالتا بایراقلی ایکی کرووازیئر، 3 مین 560 یولجوله دونن آیدین‌ین کوشاداسی منطقه‌سینه دمیر آتدی. اژه دنیزی پورت لیمانینا یاناشان مالتا بایراقلی " Celestyal Crystal " و هولند بایراقلی" Koningsdam " آدلی گمی‌دکی توریست‌لری خالق اویون‌لاری دسته‌لری قارشیلاییب. اکثریتی آمریکا‌لی یولجو‌لارین بیر قیسمی تور اوتوبوس‌لاری ایله آنتیک افس شهری، مریم آنا و دیگر تؤرن یئرلرینه گئدرکن، تور پروقرامینا قاتیلمایان یولجو‌لار ایسه شهر مرکزینی گزدی.
یئنی شفق: "قورو اریک ایلک دؤرد آیدا 84 میلیون دو‌لارلیق ایخراجات"
دونیا قورو اریک اوره‌تیمی‌نین یوزده 85ی‌نین کئچیریلدیگی مالاتیا ایلین ایلک دؤرد آییندا 33 مین 910 تون قورو اریک ایخراج ائدیله‌رک، اوزینده 84 میلیون 710 مین 900 دو‌لار گلیر الده اولونوب. شهرده اؤتن ایلین ایلک دؤرد آییندا 29 مین 868 تون قورو اریک ایخراج ائدیله‌رک، اوزینده 85 میلیون 933 مین 507 دو‌لار خاریجی پول گلیری تامین اولونموشدو.
صاباح: "جونئید چاخیر لیورپول - بارسئلونا اویونونو ایداره ائده‌جک"
صاباح، (7 می چرشنبه آخشامی) لیورپول ایله بارسئلونا آراسیندا اوینانا‌جاق اولان شامپیون‌لار لیگی یاریم فینال دؤنوش موباریزه‌سینی تورک داور جونئید چاخیر ایداره ائده‌جک. اینگیلتره‌نین لیورپول شهرین‌دکی آنفیلد رود ایستادیوموندا تورکیه ساعاتی ایله 22.00ده باشلایا‌جاق قارشیلاشمادا چاخیرین معاوین‌لرینی بهاالدین دوران و طاریق بول ائده‌جک.
ایلگیلی‌لی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.
