تورکیه مطبوعاتی اؤزتی 02.05.2019
آنتالیایا گلن توریست‌لرین ساییسی رکورد قیردی
تورکیه مطبوعاتی اؤزتی 02.05.2019
خبر تورک: "ترامپین، تورکیه سفری گوندمده"
جمهور باشقانلیغی قایناقلاری طرفین‌دن "آمریکا باشقانی دونالد ترامپین تورکیه سفری مسئله‌سینده یول، او جمله‌دن آلترناتیو تاریخ‌لر اوزرینده چالیشیریق" آچیقلاماسی ائدیلدی. تاریخین بلیرلنمه‌سی وضعیتینده بو، ترامپین تورکیه‌یه ایلک سفری اولا‌جاق.
ایستار: "تورکیه، سوریه‌نین شما‌لی‌نین بوتون ترور دسته‌لرین‌دن تمیزلنمه‌سینده قرارلی"
پرزیدنت سؤزچوسو ایبراهیم کالین، آمریکانین سوریه اؤزل نماینده‌سی جیمز جفری ایله باشکند آنکارادا بیر آرایا گلدی. تورکیه‌نین میللی امنیت اؤنجه‌لیک‌لری‌نین آچیق بیر شکیلده وورغولاندیغی گؤروشمه‌ده، فرات چایی‌نین شرقینده و سوریه‌نین ایچینده ترورلا موباریزه، تهلوکه‌سیز بؤلگه، مونبیچ یول پلانی‌نین حیاتا کئچیریلمه‌سی، داعش، پ.ک.ک/ ی.پ.گ/پ.ی.د ایله بوتون بؤلوجو ترور عنصورلرینه قارشی موباریزه، ایدلیب آنلاشمانین قورونماسی، سوریه‌نین اراضی بوتؤو‌لوگو چرچیوه‌سینده سیاسی حلّه چاتیلماسی و سوریه‌نین یئنی‌دن قورولماسی مسئله‌لری گوندمه گلدی.
یئنی شفق: "اردوغان، موسلمان اولان موغننی دیلا مایلز‌ی تبریک ائدیب"
تورکیه جمهور باشقانی رجب طیب اردوغان، قادین و دموکراسی فوندو آیاغین ایستانبولدا کئچیریلن فعالیتینه قاتیلیب. اردوغان ایله حیات یولداشی امینه اردوغان، موسلمان اولان و ایستانبولدا یئرلشن دیلا مایلز ده فعالیته دعوت ائدیب. اردوغان، دیلا مایلز موسلمان اولدوغو اوچون تبریک ائتدی. آمریکا‌لی موغننی، گؤروشمه سونراسی دویغولارینی دانیشارکن: "بو گون بیر دونیا لیدری تانیش اولدوم. تورکیه پرزیدنتی‌نین الینی سیخدیغیم، گؤزل، ایستی قان‌لی فیرست لیدی ایله قوجاقلاشارکن چوخ هیجان‌لییام." دئدی.
وطن: "آنتالیایا گلن توریست‌لرین ساییسی رکورد قیردی"
آنتالیا، توریست ساییسیندا سون ایللرین ان یوکسک رقمینه چاتیب. خصوصاً آوریل آییندا توریست ساییسیندا سانکی پارتلاییش باش وئردی. ایلک 3 آیدا 571 مین 207 توریستین سفر ائتدیگی شهره، تکجه آوریل آیی‌نین 29 گونلوک پروسه‌سینده 905 مین 322 توریست گیریش ائتدی. گؤزلدیک‌لرین‌دن چوخ اوزرینده رئال‌لاشان رقم‌لر توریزمجیلری ده تعجبلندیردی. توریزمجیلر، آوریل آیین‌داکی آرتیمین پاسکالیا دؤورون‌دن قایناقلاندیغینی سؤیله‌دی.
حریت: تورک هاوا یول‌لاری آوروپا لیگینده ایکی تورک تیمی دؤردلو فینالدا"
تورک هاوا یول‌لاری آوروپا لیگی پلی آف دؤرددبیر فینال سریسی 5ینجی و سون اویونوندا آنادولو افس اؤز میدانیندا ایسپانیا تمثیلچی‌سی بارسئلونا لاسانی 80-71 مغلوب ائده‌رک سریده وضعیتی 3-2یه گتیردی و ایسپانیانین ویتوریا-گاستیز شهرینده کئچیریله‌جک اولان دؤردلو فینالا قاتیلماغا حاق قازاندی. 7-19 می‌ده کئچیریله‌جک دؤردلو فینالین ایلک گونونده ایکی تورک تیمی فنرباخچا بئکو ایله آنادولو افس، سون شامپیون ایسپانیا تیمی رئال مادریدله ده روس نماینده‌سی CSKA Moskova قارشیلاشاجاق. بو اویون‌لاری قازانان تیم‌لر 19 می بازار گونو فینالدا شامپیون، اودوزان‌لار ایسه اوچونجو یئر اوغروندا موباریزه آپارا‌جاق.
ایلگیلی‌لی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.
