تورکیه مطبوعاتی اؤزتی 09.04.2019
کاپپادوکیا ایلین ایلک چئیرگینده توریست ساییسی، اؤتن ایلین عینی دؤورو ایله موقاییسه‌ده یوزده 14.5 آرتا‌راق 440 مین 686 نفره چاتیب
تورکیه مطبوعاتی اؤزتی 09.04.2019
وطن: "پرزیدنت اردوغان آچیقلاییب: هدفیمیز 100 میلیارد دولار"
تورکیه دولت باشقانی رجب طیب اردوغان و روسیا پرزیدنتی ولادیمیر پوتین موسکوا‌داکی 8-جی یوکسک سویه‌لی امکداش‌لیق شوراسی‌نین ایجلاسیندا بیلدیریب. اردوغان، "ایکیطرف‌لی تیجارت حجمینده هدفیمیز 100 میلیارد دو‌لارا چاتماق" - دئدی. پوتین ایسه "گوندمیمیزده نیظامی-تکنیکی امکداشلیغین یاناشی اس-400 سیستم‌لری‌نین تورکیه‌یه سئوکییاتینین تاماملانماسی وار" ایفاده‌لرینی ایستیفاده ائتدی.
خبر تورک: "تورکیه‌دن لیبی آچیقلاماسی: بؤیوک ناراحات‌لیق دویولور"
تورکیه، لیبی‌نین پایتختی ترابلوسا قارشی نیظامی حرکات نتیجه اورتایا چیخان وضعیت‌دن ناراحات اولدوغونو قئید ائدیله‌رک، طرف‌لره تمکین چاغیریب. خاریجی ایشلر ناظیرلیگین‌دن ائدیلن یازی‌لی آچیقلامادا، "گرگینلیگین سرعتله آزالدیلماسی و ساکیتلیگین برقرار اولماسی اوچون آغلی‌نین و عقل‌لی اینسانین حاکم اولماسی شرط‌دیر. بمت باش کاتیبی‌نین و بمت لیبی اؤزل نماینده‌سی‌نین اؤلکه‌ده گرگینلیگین آزالدیلماسی ایستیقامتین‌دکی تلاش‌لارینا تام دستک وئرن تورکیه، بوتون بین الخالق بیرلیگین ده بو مقامدا اورتاق مؤوقعیت و ایراده نوماییش ائتدیرمه‌سینه اهمیت وئریر." ایفاده‌سی ایستیفاده ائدیلدی.
حریت: "کاپپادوکیا توریزم مؤوسومونه سرعت‌لی گیردی"
کاپپادوکیا ایلین ایلک چئیرگینده توریست ساییسی، اؤتن ایلین عینی دؤورو ایله موقاییسه‌ده یوزده 14.5 آرتا‌راق 440 مین 686 نفره چاتیب. تورکیه‌نین طبیعت، تاریخ و کولتور توریزمینده اهمیت‌لی بیر یئر توتان کاپپادوکیا، بو ایلین ایلک چئیرگیندهروبونده اوّلکی ایللره نیسبتن توریست‌لر طرفین‌دن داها چوخ اوستونلوک وئریلیب.
صاباح: "گؤبکلی تئپه‌یه چین‌لی‌لرین ماراغی آرتیر"
شانلیورفادا، بیرلشمیش میللت‌لر تحصیل، علم و مدنیت تشکیلاتی (یونسکو) دونیا میراث لیسته‌سینده یئر آلان گؤبکلی تپه‌یه، آپاریلان تبلیغات‌لار سایه‌سینده چین‌لی‌لرین ماراغی آرتیر. ایالت مدنیت و توریزم مودیری ضیا آسلان، حاضیردا چینین ان بؤیوک ایکی تلویزیون کانا‌لی‌نین تاریخی عابده‌سی ایله یئرینده چکیلیش آپاردیغینی بیلدیریب. آسلان، پرزیدنت رجب طیب اردوغان طرفین‌دن 2019ون "گؤبکلی تپه ایلی" اعلان ائدیلمه‌سی‌نین آردین‌دان، گرک یورد ایچی لازیم گلسه خاریجده بوتون دولت موسسیسه و تشکیلات‌لاری‌نین تاریخی عابده‌سی ایله یئری‌نین تقدیماتینا جیدی دستک وئردیگینی دئییب.
ایستار: "تورک تیکینتی سکتورو قطره چیخار ائده‌جک"
قطرده تیکینتی سکتورونا یؤنلیک تشکیل اولونان بین الخالق تیکینتیسی تکنیکسی، تیکینتی ماتریال‌لاری، آوا‌دان‌لیق‌لاری و چئوره تکنولوژی‌لری تیجارت سرگی‌سی (Project Qatar) تورک فیرما‌لاری‌نین قاتیلیمی ایله کئچیریله‌جک. 29 نیسان-1 می‌ده کئچیریله‌جک سرگیده تورکیه اوچ ایخراجاتچی بیرلیگی ایله یئر آلا‌جاق.
ایلگیلی‌لی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.
