تورکیه مطبوعاتی اؤزتی 20.03.2019
یئنی شفق: اردوغان: حسابینی سورماسینی بیلیریک
یئنی شفق: «اردوغان: حسابینی سورماسینی بیلیریک» جمهورباشقانی رجب طیب اردوغان، دونن زونقولداغ‌دا، یئنی زلانداداکی ترورر سالدیری‌سینا توخوندو. اردوغان، "۵۰ قارداشیمیزی آلچاقجا اؤلدوردون. بونون حسابینی وئره‌جک‌سن. یئنی زلاند سورمازسا ائله ویا بئله بیز بونون دا حسابینی سورماسینی بیلیریک" دئدی.
صاباح: «تورکیه‌دن اندونزی‌یه تعزیه مئساژی» تورکیه طرفین‌دن سئل و تورپاق سوروشمه‌لری نتیجه‌سین‌ده حیاتینی ایتیره‌نلر اوچون اندونزی‌یه باش‌ساغ‌لیغی مئساژی چاتدیریلدی. خاریجی ایشلر باخانلیغین‌دان ائدیله‌ن یازیلی آچیقلامادا، "اندونزینین پاپوا ایالتینه باغلی جایاپورا بؤلگه‌سین‌ده شدت‌لی یاغیشلارین سبب اولدوغو سئل و تورپاق سوروشمه‌سینین یول آچدیغی آغیر ایتکیلری و خسارتدن درین کدر دویوروق. حیاتلارینی ایتیره‌نلرین الله‌دان رحمت، دوست و قارداش اندونزی خالقینا باش‌ساغ‌لیغی و یارالیلارا تجی‌لی شفالار دیله‌ییریک" ایفاده‌لری یئر آلدی.
حریت: "بامادور صادراتین‌دا اوزلر گولور"
تورکیه‌نین بامادور صادراتی، یئنی ایلین‌دن بو یانا گئچه‌ن ایلین عینی دؤورونه گؤره یوزده ۱۳ آرتاراق ۹۸ میلیون دلارا چیخ‌ی، ایلک سیرانی ۴۰ میلیون دلارلا روسیا آلدی. گئچه‌ن ایله گؤره یوزده ۳۵۱ آرتیشلا ۴۰ میلیون دلارلیق بامادورون گؤندریلدیگی روسیانی، ۱۳،۵ میلیون دلارلا رومانی و ۷،۳ میلیون دلارلا بولقاریستان ایزله‌دی.
وطن: "عربلردن تورکیه‌یه ایلگی"
تورک-عرب اؤلکه‌لری امکداش‌لیق درنگی (توراپ) دستگی ایله ۲۴-۲۶ آوریل ۲۰۱۹ تاریخلری آراسین‌دا ایستانبول‌دا گرچکلشدیریله‌جک. ۶.جی تورک-عرب قیدا و قیدا تکنولوژیلری سرگی‌سی، ۱۵ عرب اؤلکه‌سین‌دن ۱۵۰۰ ایش اینسانینی، ۲۰۰دن چوخ تورک شیرکتی ایله بولوشدوراجاق. سرگی ایله، قیدا و تاریم سئکتورون‌دا یورددیشینا آسیلی اولان عرب اؤلکه‌لرین‌ده، تورک شیرکتلرینین بازار پایینین، یوخاریلارا چیخاردیلماسی هدف‌لنیر.
خبر تورک: "ساغلیق توریزمینده ۱ میلیون توریستین ترجیحی تورکیه" ساغلیق توریزمینده تورکیه‌نی ترجیح ائدن توریست سایی‌سی ۲۰۱۸ سونو اعتیارییلا ۱ میلیونا اولاشدی. ترمال ساغلیق و توریزم درنگی باشقانی یاووز ییلیق، "۲۰۱۸ سونو اعتبارییلا ساغلیق توریزمینده تورکیه‌نی ترجیح ائدن توریست سایی‌سینین ۱ میلیونا اولاشدیغی تخمین ائدیلیر" دئدی. ییلیق، تورکیه‌ده‌کی ترمال سولارین هم سو کیفیتی، آخیشی و ایستیلیکلری هم ده چئشید‌لی فیزیکی و شیمیایی اؤزللیکلریله آوروپاداکی ترمال سولاردان داها اوستون اؤزللیکلره صاحب اولدوغونا ایشاره ائتدی.
ایلگیلی‌لی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.
