تورکیه مطبوعاتی 5 فوریه 2019
تورکیه مطبوعاتیندا بو گون درج اولونان بعضی خبرلرین خلاصهسی.
تورکیه مطبوعاتیندا بو گون درج اولونان بعضی خبرلرین خلاصهسی.
"وطن" قزئتی: "سوریه-لی فیدا: "تورکلری گؤردوگوم زامان بو دونیانین هله ده یاخشی اولدوغونو حیس ائدیرم"
سوریه-ده بشار اسد رژیمینین هوجوملارینا آیاغینی، آتاسینی و قارداشلارینی قوربان وئرمهسینه باخمایاراق سرحد منطقهسیندکی قاچقین دوشرگهلرینده کؤنوللو معلم اولاراق ایشلهین فیدا حسن تورکیه-ده فعالیت گؤسترن تشکیلاتلارین دستکی ایله پروتزینه قوووشدو. "ت.ر.ت"-نین سندلی فیلملر کانالیندا فوریه نین 2-ده حکایه سی یاییملانان فیدا "تورک میللتی گول اوزلو و چوخ یاخشی بیر میللتدیر. کوچهده منی گؤرن اینسانلار کؤمکلیک گؤستریردی. بئله اینسانلاری گؤردوگوم زامان دونیانین هله ده یاخشی اولدوغونو حیس ائدیرم" دئدی.
"صاباح" قزئتی: "مودافعه صنایعسی اوره تیمینده تورکیه دونیادا ایلک 10 اؤلکه آراسیندادیر"
جمهور باشقانلیغی مودافعه صنایعسی عذره صدرلیگینین معاونی سردار دمیرل "تورک مودافعه صنایعسینین کئچمیش 15 ایلینه نظر سالدیغیمیز زامان اینکیشاف پروسه سینی گؤروروک. اؤلکهمیز بو ساحهده دونیادا ایلک 10 اؤلکه آراسیندادیر" دئدی. تورکیه-نین یئرلی تانکینی هئچ بیر دستک اولمادان اؤزونون بوراخدیغینی، "اف-35" ساواش اوچاغی لاییحهسینده جدی دستکینین اولدوغونو بیلدیرن دمیرل "اؤلکهمیزین تعلیم اوچاق لاری اینکیشاف ائتدیریلدی. تورکیه-یه مخصوص هلیکوپتریمیز "گؤک بئی" حاضردا سیناق اوچوشلارینی داوام ائتدیریر" دئیه وورغولادی.
"ایستار" قزئتی: "دونیانین ان اعتبارلی بانکلاری آراسیندا تورک بانکی دا وار"
زراعت بانک مارکا دیرلندیرمه شیرکتی برند فینانسین حاضیرلادیغی سیاهیدا ایلک 500 بانک آراسیندا 2017 و 2018-جی ایللرده مارکا قیمتینی ان چوخ آرتیران تورک بانکی اولاراق سیاهییا داخیل اولدو. خزینه و مالیه ناظیری برات آلبایراک زراعت بانکی بو اوغورونا گؤره تبریک ائتدی.
"یئنی شافاک" قزئتی: "تورک هاوا یوللارینین (THY) یئنی رکلام فیلمینین سوپر " Bowl"دا تقدیماتی اولدو"
تورک هاوا یول لارینین دونیا شؤهرتلی اینگیلیس یونتمن Ridley Scott ایله چکدیگی "یولجولوق" آدلی قیسا متراژلی فیلمینین 30 ثانیهلیک حیسهسی دونیانین ان چوخ باخیلان ایدمان تدبیری امریکان فوتبولونون فینالی سوپر
" Bowl"دا تقدیم ائدیلدی. رکلام فیلمی جوغرافی موضعی و مدنیت تجروبهسیله دونیادا مثلی اولمایان ایستانبولون چیراغان سارایی، شرفییه سو انباری، اورتاکؤی میدانی و ایستانبول هاوا لیمانی کیمی شهرین سیمبول لاری آراسیندا چکیلیب.
ایلگیلیلی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.