تورکیه مطبوعاتی اؤزتی 25.09.2018

ایستانبول یئنی هاوا لیمانی‌نین "اوچوش تست‌لری" تاماملانیب

1056348
تورکیه مطبوعاتی اؤزتی 25.09.2018

تورکیه مطبوعاتی اؤزتی 25.09.2018

 

ایستار: "اردوغان مالکوم ایکس'ین قیزلارینی قبول ائدیب"

بیرلشمیش میللت‌لر تشکیلاتی‌نین (بمت) 73-جی باش قورولو دانیشیق‌لارینا قاتیلیماق اوچون آمریکا‌نین نیو-یورک شهرینده اولان پرزیدنت رجب طیب اردوغان، موسلمان سیاستچی و اینسان حاق‌لاری مودافیچی‌سی مالکوم ایکس'ین قیزلاری قابیلاه و ایلیاساهی قبول ائدیب. اردوغان، گؤروشمه سونراسی، دونیا بئش‌دن بؤیوک‌دور، موضوعلو بیر فوتونو ایمضالایا‌راق، قابیلاه و ایلیاساها هدیه ائدیب.

صاباح: "1 هفته‌ده 33 ترورچو اؤلدورولوب"

ایچ ایشلر ناظیرلیگی، ایچ امنیت عملیات‌لاری چرچیوه‌سینده سون بیر هفته‌ده 20سی اؤلو، 9و ساغ و یارا‌لی، 4و تسلیم اولماقلا جمعی 33 ترورچونون اؤلدورولدوغونو آچیقلاییب. بیاناتدا عملیات‌لاردا 677سی ترور جینایت‌لرین‌دن اولماقلا جمعده 4 مین 847 آدامین نظارته آلیندیغی دا وورغولانیب.

وطن: "ایستانبول یئنی هاوا لیمانی‌نین "اوچوش تست‌لری" تاماملانیب"

نقلیات و آلت یاپی ناظیری جاهیت تورحان، پرزیدنت رجب طیب اردوغان طرفین‌دن 29 اوکتوبردا آچیلیشی کئچیریله‌جک ایستانبول یئنی هاوا لیمانیندا، گؤروشمه مسافه‌سی‌نین صیفیرا ائندیگی هاوا شرط‌لرینده بئله اوچاق‌لارین پروبلم‌سیز ائنیش ائده'بیلمه لرینی تامین ائده‌جک ILS سیستمی‌نین اوچوش نظارت تست‌لری‌نین تاماملاندیغینی بیلدیریب. تورحان، خیدمته گیردیکده دونیانین ان بؤیوگو اولا‌جاق هاوا لیمانیندا ایشلرین بؤیوک سرعتله داوام ائتدیگینی دئییب.

حرّیت: "بؤیوک توریزم گمی‌لری تعطیل جنّتینده

آیدینین کوشاداسی منطقه'سین‌دکی اژه'پورت کوشاداسی لیمانینا، مالتا بایراق‌لی آزامارا پورسویت ایله باهام آدا‌لاری بایراق‌لی سیلور وهیسپر آدلی ایکی لوکس یولجونون گمی‌سی یاناشدی. اژه پورت کوشاداسی لیمانینا دمیر آتان ایکی یولجونون گمی‌سی آمریکان و اینگیلیس‌لردن عبارت اولان 1065 توریستی شهره گتیردی. توریست‌لرین بیر قیسمی اوتوبوس‌لارلا آنتیک افس شهری و مریم آنا ائوی کیمی تاریخی و گؤرمه‌لی یئرلری گزمک اوچون تورا چیخدی. تور پروقرامینا قاتیلمایان توریست‌لر ایسه کوشاداسی بازارلارینی گزیب.

یئنی شفق: "دونیانی دیزه گتیردی"

میللی گولشچی عاریف اؤزن، سلوواکیانین ترنووا شهرینده تشکیل اولونان گنج‌لر گولش شامپیوناوغوندا هیندیستان‌لی رقیبی دوپیاک پونیایی مغلوب ائده‌رک دونیا شامپیونو اولدو. دولت باشقانی رجب طیب اردوغان، دونیا گنج‌لر گولش شامپیوناوغوندا قیزیل میدال قازانان عاریف اؤزن-ی تبریک ائدیب.



ایلگیلی‌لی خبرلر