تورکیه مطبوعاتی اؤزتی 09.01.2018

تورکیه مطبوعاتی اؤزتی 09.01.2018

وطن: "چیلغین پروژه کانال ایستانبول حاضیر"

تورکیه‌نین 2023 هدفی یولوندا بؤیوک پروژه‌لردن بیری قارا دنیزی آغدنیزینه باغلایان کانال ایستانبول اوچون مسیر و رزرو قورولوش پلانی باشا چاتدی. بونا گؤره کانال ایستانبول 45.2 کیلومتر اوزونلوغوندا اولا‌جاق. ایستانبول بوغازین‌دان تیجاری گمی‌لر 1936دا ایمضا‌لانان مونترؤ موقاویله‌سینه گؤره کئچیر. موقاویله‌نین کئچیریلدیگی دؤورده بوغازدان ایللیک 3 مین گمی کئچیردی. آنجاق بو رقم حاضیردا 50 مینه یئتیشدی. 2030دا 65 مینه، 2050ده ایسه 100 مینه یاخینلاشاجاغی تخمین ائدیلیر. هالبوکی، مسئلن، سووئیز کانالین‌دان ایلده 17 مین گمی کئچیر. شهر خط‌لری و بالیقچی گمیلریله بیرلیکده ایستانبول بوغازی‌نین گونده‌لیک دؤوریه‌سی 2 مین 500.

سحر: "صنایع اوره تیمینده 10 ایلین ان سرعت‌لی آرتیمی"

اؤتن ایلین اوچونجو چئیرگینده یوزده 11.1 ایله دونیانین ان چوخ بؤیوین اؤلکه‌سی اولان تورکیه‌ده، چارخ‌لارین قاییدیشی سون چئیرکده ده داوام ائدیب. تورکیه ایستاتیستیک قورومو (تویک) طرفین‌دن دونن آچیق‌لانان معلومات‌لارا گؤره، تقویم تأثیرین‌دن آریندیریلمیش صنایع اوره‌تیمی نوامبردا، اوّکی ایلین عینی آیینا گؤره 7% ایله، یوزده 5.6 اولان گؤزلنتی‌لرین اوستونده آرتیب. سون 10 ایلین ان یوکسک نوامبر آرتیمینا ایمضا آتیلارکن، مؤوسوم و تقویم تأثیرین‌دن تمیزلنمیش صنایع اوره تیمی ایسه نوامبردا اوکتوبرا گؤره یوزده 0.3 آرتیب.

ایستار: "امیتت 2018ه سالدیری"

تورکیه‌نین ان بؤیوک توریزم تشکیلاتلاریندان‌ امیتت 2018، خاریج‌دن بؤیوک ماراق گؤرور. 25-28 ژانویه‌ده ایستانبولدا قاپی‌لارینی آچا‌جاق اولان سرگییه، 106 اؤلکه‌دن 900و آرتیق قاتیلیمجی گله‌جک. سرگی 50 مین‌دن چوخ اینسانی قبول ائده‌جک. ایشتیراکچی ساییندا ایسه اؤتن ایلله موقاییسه‌ده یوزده 30 آرتیم وار.

یئنی شفق: "آنتیک دی.ان.آ-نی تورک‌لر حلّ ائده‌جک"

آوروپا تدقیقات شوراسی، نئولیت دؤورده آنادولودا یاشامیش مین 500 اینسانا عایید ایلک د.ان.آ آنالیزلری‌نین آپاریلماسی اوچون آنکارا‌داکی اورتا دوغو تکنیکی اونیورسیته‌سی (اودتو)نه 2.5 میلیون یورو بودجه وئریب. آنالیز ائدیله‌جک نومونه‌لر، تورکیه جوغرافیاسی اوزرینده بو گونه قدر آپاریلان ان احاطه‌لی ایش اولا‌جاق. چالیشما ایله ژنتیک قوهوملوق و جمعیت‌لر آراسیندا ژن آخینی معین اولونا‌جاق.

"خبرتورک: "آغ جنت، آنتیک حوض دقت مرکزینده"

یونسکو-نون دونیا میراث لیسته‌‌سینده اولان پاموک کاله، هیئراپولیس آنتیک شهری، مین‌لرله ایلدن بو یانا ترمال معا‌لیجه مرکزی اولا‌راق ایستیفاده ائدیلیر. کئچمیشی 2 مین 800 ایل اوله قدر گئدن هیئراپولیس آنتیک شهرین‌دکی حوض، ایچین‌دکی سوتون و مرمر پارچا‌لاری سببیله ایچینه گیرن‌لری کئچمیشه یولچولوغا چیخاریر. آنتیک حوض‌ون سویو، اورک دامار خسته‌لیک‌لری، رئوماتیزم، دری، فلج و سینیر خسته‌لیک‌لری ایله ایچدیکده معده و باغیرساق خسته‌لیک‌لرینه یاخشی گلیر. حضرتی مریم‌ین ناراحات اولان گؤزونو یاخشیلاشدیردیغی دا روایت ائدیلن ترمال سو اوچون مصر کرالیچاسی کلئوپاترانین هیئراپولیسه گلدیگی روایت ائدیلیر.