تورکیه مطبوعاتی اؤزتی 22.06.2017
فتونون خائین کودتا گیریشیمینده اولدوغو 15 ژوئیهنین بیرینجی ایلدؤنومونده بیر سیرا خصوصی فعالیت ائدیلهجک
تورکیه مطبوعاتی اؤزتی 22.06.2017
ایستار: "ایلک زیارت شهیدلره"
فتونون خائین کودتا گیریشیمینده اولدوغو 15 ژوئیهنین بیرینجی ایلدؤنومونده بیر سیرا خصوصی فعالیت ائدیلهجک. 11 ژوئیهده باشلایاجاق پروقراملار شهیدلری زیارتله باشلایاجاق. بو چرچیوهده بوتون ایللرده، شهیدلیکلره باخیلیب ائدیلهجک. آیریجا شهیدلر اوچون مؤولید اوخودولاجاق. پروگراملار هر ایلده آیری-آیری تشکیلاتلار شکلینده 16 یولا قدر داوام ائدهجک. 15 و 16 ژوئیه گئجهسی ایسه هم آنکارادا، هم ده ایستانبولدا وطنداشلارین قاتیلیمی گئجه کئشیکلری رئاللاشدیریلاجاق. پرزیدنت اردوغانین دا، ایستانبول بوغاز کؤرپوسوندن ائدیلهجک میتینگه قاتیلماسی نظرده توتولور. 15 ژوئیهده مجلیسده ائدیلهجک عمومی قورولون اؤزل اوتورومونون یانیندا، مجلیسین بومبالاندیغی ساعت اولان گئجه 02.37دئ اورادا اولونماسی فیکری اوزرینده ده دایانیلیر.
یئنی شفق: "تورکیه غزهنی تک بوراخمیر"
رمضان عرضینده غزهیه هر جور کمکی تامین ائدن تورکیهنین گؤندردیگی 10 مین تون یاردیم وسایلینی داشییان "شفقت" گمیسی، ایسرائیلین آشدود لیمانینا چاتدی. گمیده 50 مین قیدا قوتوسو، 5 مین تون اون، 100 تون بیسکویت و کک، 50 مین مختلیف گئیهجک، مین بایراملیق گئییم، 18 مین 100 اویونجاق، 32 مین دفترخانا دستی و اوشاق اوچون بایرام هدیهسی اولاراق 110 بیسیکلت وار. کؤمک وسایللری، ایندیرمه عملیاتینین آردیندان، قززایا آپاریلیب احتیاج صاحبلرینه پایلاناجاق. تورک قیزیل آی ایسه غزهده بؤلگهنین ان بؤیوک آفت و اینسانی کؤمک لوجیستیکی مرکزی قورماغا حاضیرلاشیر. لوزیستیک مرکز گلهجک ایل آچیلاجاق.
صاباح: "ناظیر آلبایراک سوریهلی یئتیملرله ایفطار ائتدی"
انرژی و طبیعی قایناقلار ناظیری برات آلبایراک، آنکارادا تشکیل ائدیلن ایفطار تشکیلاتیندا سوریهلی یئتیم اوشاقلارلا بیر آرایا گلدی. ناظیر آلبایراکا یولداشی اسرا آلبایراک و اوشاقلاری یولداشلیق ائتدی. ایفطار پروقرامینین آردیندان آلبایراک، یئتیم اوشاقلارا هدیه پایلایاراق بیر مدت صحبت ائتدی. آلبایراک، داها سونرا اوشاقلارلا خاطیره فوتوشکیلی چکدیردی.
وطن: "یاز تعطیلی اوچون واریانتلار"
یاز موسومونون گلمسیله یئرلی و خاریجی توریستلر تعطیل واریانتلارینی آراشدیریر. اینترنتده ان چوخ آختاریلان یئرلر آراسیندا بنزرسیز طبیعتی و قوووروجو یاز ایستیلرینده ترلتمین، محتشم ایقلیمی ایله تورکیهنین قارا دنیز بؤلگهسی، گونش، قوملو و محتشم دنیز آختارانلار اوچون ده آغدنیزینین تقدیم ائتدیگی بوتون گؤزللیکلری دویونجا یاشایا بیلهجکلری تعطیل دیارلاری یئر ائدیر. قارا دنیز بؤلگهسینده سومئلا ماناستیری، طبیعتله ایچ-ایچه اوزونگؤل یایلاسی، آیدر یایلاسی، مشهور عثمانلی معمارلیغینین نومونهلرینی تقدیم ائدن سافرانبولو ائولری اؤنه چیخیر. دنیز، قوم و گونش ایستهینلر اوچون آغدنیزی و اژه بؤلگهسینده سایسیز توریزم جازیبه مرکزی وار. فورصتلر اوچون شمالی قیبریس تورک جمهوریتیندکی اوتللرده ایسه ارکن رزرواسیون فورصتلری هله داوام ائدیر.
خبرتورک: " UEFAدا قالاتاسارایا بؤیوک غورور"
UEFA، 1955-2017-جی ایللر آراسیندا آوروپانین ان باشاریلی 30 کلوبونون لیستهسینی آچیقلاییب. لیستهده تورکیهدن قالاتاسارای کلوبونا ده یئر وئریلدی. تورک نمایندهسی لیستهده 19. سیرادا یئر ائتدی. بیرینجی سیرانی ایسپانا نمایندهسی رئال مادرید آلارکن، ایکینجی آلمانیا قروپو بایرن مونیخ، اوچونجو ده یئنه ایسپانیا نمایندهسی بارسئلونا لاییق گؤرولدو.
ایلگیلیلی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.