تورکیه مطبوعاتی اؤزتی 29.05.2017

تورکیه مطبوعاتی اؤزتی 29.05.2017

صاباح: "یئنی آتیلیم دؤورونه حاضیرلاشیریق"

پرزیدنت رجب طیب اردوغان، "ایستانبول پروتوکولو ایفطاری و ایستانبولون فتحی‌نین 564. ایلی قید ائتمه‌لری" پروقرامیندا ائتدیگی دانیشمادا، "دونیا یئنی‌دن یاپیلانمانین سانجی‌لارینی چکیر. بیز بو دوغومون فرقینده اولدوغوموز اوچون دموکراسی و ایقتیصاددا یئنی بیر آتیلیم دؤورونه حاضیرلاشیریق" ایفاده لرینه وورغو ائتدی. بونون اوچون، ایلک نوبه‌ده، 2019ا قدر اولان دؤورو ان وئریملی شکیلده ایستیفاده ایفاده ائدن پرزیدنت، 2023 تاریخی‌نین ده تورکیه‌نی معاصیر مدنیت سویه‌سی‌نین اوزرینه داشییا‌جاق اهمیت‌لی بیر ائشیک اولدوغونو، بو هدفه چاتارکن ایستانبولون یئنه لوکوموتیو وظیفه‌سی گؤرجگینی قید ائتدی.

یئنی شفق: "کاتو تفتیشی"

تورکیه ایچ ایشلر ناظیری سلیمان سویلو، شیرناک‌ین بئیت الشباب محلینده کاتو داغیندا بؤلوچو ترور تشکیلاتی پ.ک.ک-یا ایستیقامت‌لی 40 گوندور عملیاتین داوام ائتدیریلدیگی بؤلگه‌ده آراشدیرما ائتدی. تروریست‌لرین ایستیفاده ائتدیگی تثبیت ائدیلن 53 ماغارادا چوخ سایدا سیلاح و مهمات اله کئچیرن عسگرلری تبریک ائدن سویلو، عملیاتلا باغلی قوموتانلاردان معلومات آلدی.سویلو، داها سونرا تلفونلا پرزیدنت رجب طیب اردوغانا حیاتا کئچیریلن عملیات فعالیت‌لری حاقیندا معلومات وئردی.

خبر تورک: "تورک آکادمیسین کیتابی اوسترالیادا درس کیتابی اولدو"

ایستانبول یئدی تئپه اونیورسیته‌سی گاسترونومی و مطبخ صنعت‌لری بؤلوم باشقانی سیبل اؤزیلگه‌نین یازدیغی " Cooking as a Chemical Reaction "(شیمیایی بیر اعتراض اولا‌راق بیشیرمه) آدلی کیتابی، اوسترالیادا درس کیتابی اولارال تدریس اولونور. اؤزیلگه‌نین کیتابی، Central Quensland University-یه باغلی پئداقوق‌لارین اینکیشافینا ایستیقامت‌لی Home Economics پروقرام‌لارینا پارالل حیاتا کئچیریلن بیر پروقرامدا درس کیتابی، آمریکالارین‌دکی بعضی دبیرستان‌لاردا ایسه قایناق کیتاب اولا‌راق قبول ائدیلدی.

حریت: "پالما اولمادی"

کن فیلم فستیوالیندا تورک اصل‌لی آلمان یؤنتیم فاتیح آخین "سولغون" فیلمی قیزیل پالمیه‌نی آلا بیلمه‌دی اما باش رول اویونچوسو دیان کروگر ' ان یاخشی قادین اویونچو سئچیلدی. قیزیل پالما، 19 نامیزد آراسین‌دان سوئدلی یؤنتمن روبن اؤستلوند-ون " The Square " فیلمینه وئریلدی.

ایستار: "اوچ اولدوزلو شامپیون"

بئشیکتاش، غازی آنتپ‌ین 4-0 مغلوب ائده‌رک سوپر لیگ‌ین 2016-2017 مؤوسومونون بیتیمینه بیر هفته قالا شامپیون‌لوغونو اعلان ائتدی. 3. اولدوزو اوستونه تاخدی. قارتال؛ اوغوزخان و تالیسجانین 2 قولو ایله فرقه گئتدی. سوپر لیگده ایکینجی اولان باشاکشهیرله بال فرقینی 4-ه چیخاران بئشیکتاش، اوست-اوسته 2-جی، جمعده 15نجی دفعه شامپیون اولدو. شنول گونش ایسه قارتالا ایکیقات شمپیونلوق یاشا‌دان ایلک تورک تکنیکی دیرکتور اولدو. بئشیکتاش، تورکیه فوتبال فدراسیونوندان (TFF) 91 میلیون لیره، آوروپا فوتبال فدراسیون‌لاری بیرلیگین‌دن (UEFA) ایسه 35 میلیون آورو پیریم آلا‌جاق.