تورکیه مطبوعاتی اؤزتی 02.03.2017
سوریهنین الباب شهرینی ترور تشکیلاتی داشدن تمیزلهین اوسو، مونبیج یؤنلدی
تورکیه مطبوعاتی اؤزتی 02.03.2017
صاباح: "اردوغان، مودرن بیر ایپک یولو پروژه سی قورولور"
پاکیستانین پایتاختی ایسلام آباددا تشکیل ائدیلن 13. ایقتیصادی امکداشلیق تشکیلاتی لیدرلر ایجلاسیندا بؤلگه لیدرلرینه سسلنن پرزیدنتی رجب طیب اردوغان، تورکیهده حیاتا کئچیریلن بؤیوک پروژهلرین تاریخی ایپک یولونون معاصیر ورسیونونون بیر پارچاسینی میدانا گتیردیگینی سؤیلهدی. ایستانبولون یئنی هاوالیمانینین بؤلگهیه بؤیوک قاتقیسی اولاجاغینی وورغولایان اردوغان، "بوتون پروژهلری تشکیلات جوغرافیاسیندا یاشاماقدا اولان 400 میلیوندان چوخ قارداشیمیز اوچون ده حیاتا کئچیریریک" دئیه دانیشدی. اردوغان، ترانزیت نقلیات چرچیوه راضیلاشماسینین تأثیرلی بیر شکیلده تطبیق اولونماسینین، بؤلگه سویهسینده نقلیات کوریدورلارینین یارادیلماسینا قاتقی تامین ائدجگینی ایفاده ائتدی.
خبرتورک: "پرزیدنت اردوغانین چاغیریشییلا تورک لیرهسی جوشدو"
پرزیدنت رجب طیب اردوغانین ایدخال و ایخراجاتین یئرلی پوللا ائدیلمهیه باشلاناجاغینی آچیقلاماسی ایله تورک لیرهسی قارشیلیغیندا ائدیلن ایخراجات، ژانویه آییندا کئچن ایلین عینی آیینا گؤره یوزده 130 آرتدی. تورکیهنین ژانویه آییندا ائتدیگی 11 میلیارد 277 میلیون 645 مین دولارلیق ایخراجاتین 963 میلیون 840 مین دولارلیق بؤلومو تورک لیرهسی قارشیلیغیندا ائدیلدی. ژانویه آییندا 15 میلیارد 586 میلیون 147 مین دولار اولان عمومی ایدخال عملیاتلارینین دا 1 میلیارد 81 میلیون 229 مین دولارلیق بؤلومو تورک لیره سی ایله ائدیلدی. تورک لیره سی ایله ائدیلن ایدخال مبلغی، ژانویهده بیر اوّلکی ایلین عینی آیینا گؤره یوزده 36.3 آرتدی.
یئنی شفق: " اؤزگور سوریه اوردوسو مونبیج ایرلیلییر"
سوریهنین الباب شهرینی ترور تشکیلاتی داعشدن تمیزلهین اوسو، مونبیج یؤنلدی. ترور تشکیلاتی پ.ک.ک-نین سوریه قولو پ.ی.د ایله ضد دوشن اؤزگور سوریه اوردوسو، مونبیج یاخینلاریندا ایکی کندی تروریستلردن تمیزلهدی. چاتیشمالاردا تورکیهده توپ آتیشلاری ایله اؤزگور سوریه اوردوسونا دستک وئریر. اوسو قوموتانلاری داعشین، پ.ی.د ایله رژیم گوجلرینین اتفاق قوردوغونو سؤیلییر. داعش منسوبو تروریستلر، پ.ی.د و رژیمله چاتیشمایا گیرمهدن دیارلاری بوراخیب چکیلیر. داعشین الیندکی ان بؤیوک سوریه شهری اولان رقهیه عملیات موضوعسوندا تورکیه ایله آمریکا آراسینداکی تماسلار ایسه داوام ائدیر.
وطن: "دونیا بؤیوک اوچاق شیرکتلرینه تورک موشکی"
روکئتسان، اوسترالیانین یئنی نسیل ساواش اوچاقلاری اف35لره SOM-J موشکی ساتماغا حاضیرلاشیر. اوسترالیانین گیلونگ شهرینده تشکیل ائدیلن و دونیانین مشهور هاوا ساوونما و سیویل هاواچیلیق فیرمالارینین قاتیلدیغی بین الخالق آویاسیا سرگیسی Avalon Airshow 2017 ده، تورکیهنی روکئتسان تمثیل ائدیر. آمریکادا یئنی نسیل ساواش اوچاغی اف35لری ساتین آلان اوسترالیانین SOM-J، راکتلرینی ساتین آلماسی گوندمده. SOM-J سیستمینین دیگر اؤلکهلره ده ساتیشی اوچون سرگی مدتینده دانیشیقلار داوام ائدهجک. ایشتیراکچیلار روکئتسان ایستندینه چوخ ماراق گؤستریر. اوسترالیا بین لخالق آویاسیا سرگیسی، 5 مارسدا سونا چاتاجاق.
ایستار: "پایتخت عبدالحمید دیزیسی دونیایا آچیلیر"
24 فوریهده ایلک بؤلومو ایله ریتینگ سیرالاماسیندا آوروپا بیرلیگینده ایکینجی سیرایلا ذیروهیه اورتاق اولان ت.ر.ت-ین یئنی سریالی 'پایتختی عبدالحمید دونیا پرمیراسی، 3-6 آوریل تاریخلری آراسیندا فرانسادا کئچیریلهجک اولان MIPTV 2017 ایله ائدهجک. 'پایتختی عبدالحمید دونیایا آچیلماق اوچون آوریل آییندا سرگیده خاریجی تلویزیون رهبرلرینین بینمهسینه تقدیم ائدیلهجک. دونیانین هر یانیندان 10 میندن چوخ قاتیلیمجیسییلا ایلده ایکی دفعه تشکیل ائدیلن MIPTV 2017 ده گؤستریمی ائدیلهجک پایتختی عبدالحمید، ' The Last Emperor آدییلا تقدیم ائدیلهجک.
ایلگیلیلی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.