تورکیه مطبوعاتی اؤزتی 14.10.2016

تورکیه مطبوعاتی اؤزتی 14.10.2016

ایستار: "7 مین داعش‌لی پ.ک.ک قوروماسیندا رقه‌یه کئچدی"

عراق و سوریه‌ده داعشله موباریزه ائدیر بهانه‌سیله دونیا داخیلینده حکومت قازاندیریلمایا چالیشیلان ترور تشکیلاتی پ.ک.ک و پ.ی.د، سینجار - کوبانی خطینده اعتبارلی کئچید یولو آچیب اسکورتلوک ائده‌رک، موصول عملیاتی اوّلینده شهردکی 12 مین داعش‌لی‌دن 7 مینینی رقه‌یه چاتدیردی. عراق شیعه حکومتی، اوچ ایل اوّل موصولو داعشه ترک ائدرکن سوریه مرزین‌دکی سینجار و تعلافردن ده اوردوسونو چکه‌رک بؤلگه‌نی پ.ک.ک-یا بوراخمیشدی. مقصد تورکیه‌نین جنوبونا شیعه-پ.ک.ک قورشاغی ایله سد چکمک و موصولداکی سوننی تورکمن-عرب تارازلیغینی پوزماق. حیله‌گر پلانین اؤنون‌دکی تک مانع ایسه موصول یولونو توتان تورکیه‌نین بعشیقه نیظامی دوشرگه‌سی و یئتیشدیردیگی 4 مین نفرلیک یئرلی موصول عسگرلری.

وطن: "ایسرائیل گازی اوچون تورکیه خطی"

ایسرائیلین آغدنیزی ساحل‌لرینده تخمینن 800 میلیارد متر مکعب طبیعی گاز رزرو اولدوغو تخمین ائدیلیر. ایسرائیلین گازی آوروپایا ایخراج ائتمه‌سی اوچون قارشی‌سیندا قیبریس و میصیر کیمی واریانت‌لار دا وار. آنجاق مایه‌لشدیریلمیش گاز ترمینال‌لاری قورولماسینی دا گرکدیرن بو واریانت‌لاردا خرج چوخ یوکسک اولدوغو اوچون ان اوستونلوک‌لو و اعتبارلی خط اولا‌راق تورکیه اؤن پلانا چیخیر. انرژی ناظیری برات آلبایراک، ایسرائیل‌لی همکاری ایله ایستانبولدا بیر آرایا گلدی. طبیعی گاز بورو خطی قورولماسی اوچون دانیشیق‌لارا باش‌لانا‌جاق. ایکی ناظیرلیک، خطین پلانینی قیمتلن‌دیرمک اوچون دیالوق قورما قراری آلدی.

خبرتورک: "15 ژوئیه شهیدلری اوچون تله‌سیریک"

وودافون ایستانبول ماراتونو بو ایل '15 ژوئیه 'شهیدلری اوچون تله‌سیریک شعارییلا 13 نوامبر بازار گونو ائدیله‌جک. 38ینجی دفعه ائدیله‌جک فعالیتده 15 کیلومتر و 10 کیلومتر خالق قاچیش‌لاری تشکیل ائدیله‌جک. مارافونا بو ایل ده یئنه قیزیل کاتقوریده اولا‌جاق و 50-سی خاریجی 70 الیت آتلت ایستارت آلا‌جاق. بو گونه قدر 24 مین چیپ‌لی قاچیشچی قیدیات‌دان اولموش وضعیتده. قیدلر 15 اوکتوبر شنبه گونونه قدر داوام ائده‌جک. آیریجا 10-12 نوامبر تاریخ‌لرینده ده گئج قیدیات‌دان ایمکانی اولا‌جاق. مارافون 15 ژوئیه‌ده کودتا گیریشیمینده اونلارلا شهید وئریلن نقطه اولان بوغاز کؤرپوسونده باشلایا‌جاق.

یئنی شفق: "سلطان بیازیدین ساتیلا‌جاق پورترئسی‌نین قیمتی دوداق اوچوقلاتیر "

1580-جی ایل تاریخ‌لی سلطان 1-جی بیازید رسمی لندن‌ده ساتیشا چیخیر. ساتبیز حرّاج ائوینده 19 اوکتوبردا رئال‌لاشا‌جاق حرّاجدا شکیل، 150 مین استرلینگه ساتیشا چیخا‌جاق. ایسلام اینجه‌صنعتی دونیاسی آدلی حراجدا، ایسلام دونیاسیندا مین ایلدن چوخ بیر دؤوره اوزانان صنعت آلوئرین و قارشی‌لیق‌لی حکایه‌سینی ایضاح ائدن سئچمه و نادیر اثرلر صنعت‌سئورلرین بینمه‌سینه تقدیم ائدیله‌جک. ارکن عثمانلی چینیجیلیغی‌نین بنزرسیز بیر نومونه‌سینی عکس ائتدیرن و تخمینی اولا‌راق 1520-جی ایل تاریخ‌لی اولدوغو ایفاده ائدیلن تورک ایشی نادیر ایزنیک ماوی-آغ چینی قاب 180 مین استرلینگ، سلیمان ال-اوسکودار طرفین‌دن بیر کوپیسی چیخاریلان) 1676-جی ایل تاریخ‌لی بزک‌لی قوران ایسه 120 مین استرلینگ آچیلیش قیمتییله آلیجی‌سینی گؤزله‌یه‌جک .

صاباح: "نوبل ادبیات اؤدولو کاغیزمان‌لی دیلن-ه"

نوبل ادبیات اؤدولو‌نون بو ایلکی صاحبی آمریکا‌لی موسیقیچی بوب دیلن اولدو. باب دیلن یازدیغی کیتابیندا آتا‌لاری‌نین تورک اولدوغونو ایفاده ائتمیشدی. حیاتی و 40 ایللیک کاریئرینی قلمه آلدیغی اوچ سیلسیله‌لیک کیتابی‌نین ایلک جیلدینده ننه‌سی‌نین ترابزون‌لو اولدوغونو دیلان، 2004-جو ایلده " Chronicles: Volume One " آدلی خاطیره‌لرینده آتا طرف‌دن ننه‌سی‌نین کاغیزمان‌لی اولدوغونو، اونون سولاله‌سی‌نین اصلن ایستانبول‌دان گلدیگینی یازمیشدی. دیلن، گنجلیگینده سؤیلدیگی                                                   Ritchie Vales'in In a Turkish Town  (بیر تورک قصبه‌سینده) ماهنی‌سی‌نین، هر کسین دیلین‌دکی لا بامبانین ترسینه اؤزویله داها اویوشور گؤروندوگونو ده ایفاده ائتمیشدی.