تورکیه مطبوعاتی اؤزتی 25.01.2016

تورکیه مطبوعاتی اؤزتی 25.01.2016

یئنی شفق: "پ.ی.د ایله پ.ک.ک عینی"

آمریکا باشقان کؤمکچیسی جو بایدنین باش ناظر احمد داوود اوغلو ایله گؤروشمهسینده آغیرلیقلی اولاراق ترور تشکیلاتلاری پ.ک.ک و پ.ی.د علاقهسی مذاکیره ائدیلدی. داوود اوغلو، پ.ک.ک ایله پ.ی.د-نین عینی اولدوغونو، هر ایکیسینین ده عینی مرکزدن ایداره ائدیلدیغینی ایضاح ائتدی. داوود اوغلو، آمریکانین داعشا قارشی ایستیفاده ائتمسی اوچون پ.ی.د-یه وئردیگی سلاحلارین پ.ک.ک-یا گئتدیگینی. پ.ک.ک-نین آمریکادان گلن سلاحلاری تورکیهیه دوغرولتدوغونو دلیللریله ایضاح ائتدی. ان سون آمریکالیلار، پ.ی.د-یه وئردیگی اینسانسیز هاوا واسطهسی سیلوپییه اله کئچیریلمیشدی.

ایستار: "ژنو اؤنجهسی هدف تورکمنداغی"

سوریهدکی باییربوجاق تورکمنلری، اسد رژیمی، روسیه، ایران میلیتانلاری و تروریستلرین سالدیریلاری سببیله ان چتین دؤورلریندن بیرینی کئچیریر. سون اولاراق تورکمن داغینداکی بیر نئچه تورکمن کندی رژیم عسکرلرینین الینه کئچدی. ایکی آیدیر رژیمه مقاومت گؤسترن تورکمنلر 5 عصرلیک یوردلاریندان اولارکن، پوتینه آغدنیزینه گئدن دهلیزین یولو آچیلدی.

صاباح: "اوروپا بیرلیگیندن اعتراف، ترورا قارشی موقعیتیمیز داها بالانسلی اولمالی"

اوروپا بیرلیگینین، یاساما اورقانی اوروپا پارلامنتینین، فرانسانین استراسبورگ شهریندکی باش مجلیسین اجلاسلاری سونا چاتدی. اوروپا پارلامنتی اوروپا اوچون لیبراللار و دموکراتلار بیرلیگی قروپو میللت وکیلی آلکساندر گراف لامسدورف، پ.ک.ک-نین ان دقیق ایفاده ایله ترور تشکیلاتی اولدوغونو ایفاده ائدرکن، اوروپا پارلامنتی تورکیه راپورتورو، سوسیالیستلر و دموکراتلار بیرلیگی هولند میللت وکیلی کاتی پیری ایسه قاچقینلار موضوعسوندا تورکیهنین صرف ائتدیگی تلاشلارین چوخ گئج فرقینی آنلادیغینی سؤیلهدی.

حریت: "آیلان کؤرپه فوتوشکیلی World Press Photo–یا نامیزد"

اوروپادا نشر ائدن فوتو ماگازین ژورنالی، دونیانی سارسیدان آیلان کؤرپه فوتوشکیلینین دونیا مطبوعات فوتوشکیللری وقفینین (The World Press Photo Foundation) تشکیل ائتدیگی ایلین مطبوعات فوتوشکیلی World Press Photo یاریشماسیندا نامیزد گؤستریلدیگینی یازدی. ژورنالین باش رداکتورو Thorsten Höge، مقالهسینده سوریهلی قاچقین آیلانین بودروم ساحللرینه ووران جانسیز بدنینین فوتوشکیلینی ایلین فوتوشکیلی اولاراق قیمتلندیردی.

وطن: "ایرانلیلار تورک یؤنتیچی آرخاسیندا"

تورک ایدارچیلر اوچون یئنی ترانسفر اؤلکهسی ایران اولدو. تحریمین قالخدیغی اؤلکهده، تورک ایدارچیلر، مدنیت بنزرلیگی سببیله سئچیلیر. بو ایل 200 تورک ایدارچینین قونشو اؤلکه ایرانا گئتمهسی گؤزلنیلیر. ایراندا تورک رهبرلرینه طلبلر، سکتور اولاراق ان چوخ تیکینتی، انرژی، تلکومونیکاسیون، اینفورماسیون، تشکیل پراکنده و اوتوموبیل ساحهسینه سیخلاشیر. ایراندا تورکلره ماراق دا گئدهرک آرتیر. ایران خالقی خصوصیله تورک سریاللاری و فوتبالینی یاخیندان تعقیب ائدیر.