تورکیه مطبوعاتی اؤزتی 11.08.2014
ایستار قزئتی، "میلتین باشقانی" باشلیقلی خبرینده، تورکیه تاریخینده ایلک دفعه جمهورون، باشقانینی سئچمک اوچون صاندیغا گئتدیگینی و باشباخان رجب طیب اردوغانی "تورکیه جمهوریتینین ۱۲.جی پرزیدنتی سئچدیگینی ایفاده ائدیر. قزئت، ۲۰۷۱ی هدفلهین اردوغانین، ۱۲ ایلده ۹.جو دفعه اویلارینی آرتیراراق ظفرینی اعلان ائتدیگینی یازیر. خبرده، آک پارتی گئنل مرکزی قارشیسیندا توپلانان جوشقولو کوتلهیه خیطاب ائدن اردوغانین، اؤزونه سس وئرن یا دا وئرمهین هر کسه تشکر ائتدیگی یازیر.
صاباح قزئتی، "باشقانیمیزی سئچدیک" باشلیغی آلتیندا یاییملانان خبرینده، تورک خالقینین دونن تاریخ یازدیغینی یازیر. قزئت، باشباخان رجب طیب اردوغانین، تورکیه جمهوریتینین ٦۸ ایللیک دموکراسی تاریخینده جمهورون دوغرودان اویویلا سئچیلن ایلک پرزیدنت اولدوغونو ایفاده ائدیر. قزئت، خالقین دوغرودان سئچدیگی ایلک پرزیدنت اولان اردوغانین، ائتدیگی دانیشمادا، "بو سئچیمی قازانان یالنیز اردوغان دئییل. میلی ایراده، دموکراسی بو سئیمده بیر دفعه داها قازاندی. بوتون صمیمیتیمله، اورییمله سؤیلییرم کی، ۷۷ میلیونون هر فردی اوچون ده بو سئچکینین مغلوبو یوخدور. شخصیمه سس وئرنلرین دئییل، ۷۷ میلیونو محبتله قوجاقلایاجاق بیر پرزیدنت اولاجاغام" شکلینده دانیشدیغینی یازیر.
خبرتورک قزئتی، "اردوغانین تاریخی ظفری" باشلیغی آلتیندا یاییملانان خبرینده، تورکیهنین، ۱۲.جی پرزیدنتینی ایلک دفعه اویلامایلا سئچدیگینی ایفاده ائدیر. قزئت، اردوغانین، سئچیمی، "میلت ایرادهسینی اورتایا قویدو" شکلینده یوروملادیغنی یازیر.
وطن قزئتینده، "ذیروهیه چیخدی" باشلیغی آلتیندا یاییملانان خبرده، باشباخان رجب طیب اردوغانین، ۱۲ ایلده ۹.جو سئچیم ظفرینی قازاندیغینی؛ هر ایکی نفردن بیرینین اویونو آلیب ایلک توردا چانکایایا چیخدیغی وورغولانیر.
حریت قزئتی، "ایلک توردا کؤشک" باشلیقلی خبرینده، باشباخان رجب طیب اردوغانین، ایلک توردا ۱۲.جی جمهورباشقانی سئچیلهرک ۹.جو سئچیمینی قازاندیغینی ایفاده ائدیر. قزئت، اردوغانین، ٥ ایل بویونجا چانکایادا اولاجاغینی یازیر.
میلیت قزئتی، "اردوغانین ظفری جوشقویلا قوتلاندی" باشلیقلی خبرینده، یوردون چئشیدلی مرکزلرینده آک پارتیلیلرین قونلاما یاپدیغینی یازیر. قزئت، اردوغانین، پرزیدنت سئچیلمهسینی قوتلایان وطنداشلارین بیر چوخ یئرده شهر تورو آتدیغینی یازیر.
آخشام قزئتینین اقتصاد صحیفهسینده یاییملانان، "دورمادان پروژهلره داوام" باشلیقلی خبرده، ۱۲.جی پرزیدنت سئچیلن باشباخان رجب طیب اردوغانین چانکایاداکی وظیفه مدتینده ده اؤنجهلیگین اقتصادا وئریلجیینی یازیر. قزئت، یئنی مئگا پروژهلرین آلتیندا یئنه اردوغانین ایمضاسینین اولاجاغینی وورغولاییر.
یئنی شفق قزئتی، "یئنه اوشاقلار اؤلور" باشلیقلی خبرینده، آتیشکس چابالارینین نتیجهسیز قالماسییلا بیرلیکده هوجوملارینا داوام ائدن ایسراییلین یئنه اوشاقلاری ووردوغونو ایفاده ائدیر. قزئت، ایسراییل ساواش اوچاقلارینین غزهیه تشکیل ائتدیگی هاوا هوجوموندا ۱۳ یاشینداکی بیر اوشاغین اؤلدوگونو، ۳ نفرین یارالاندیغینی یازیر. قزئت، خان یونوسدا بیر ائوین بومبالانماسی نتیجهسینده ده بیر قادینین حیاتینی ایتیردیگینی یازان قزئت، سون هوجوملارلا بیرلیکده ایسراییلین ۷ جولایدان بو یانا ائتدیگی هوجوملاردا حیاتینی ایتیرن فلسطینلیلرین ساییسینین ۱۹۱۸ نفره یوکسلدیگینی ایفاده ائدیر.
ایلگیلیلی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.