تورکیه مطبوعاتی اؤزتی 28.07.2014
ایستار قزئتی، "گولدن ودا‌ع‌لی بایرام مئساژی" باشلیغییلا وئردیگی خبرده، جمهورباشقانلیغی وظیفه‌سین‌دن بؤیوک بیر راحاتلیقلا آیریلاجاغینی دئین گولون، "حیاتیم بویونجا خالقا خیدمتی حاقا خیدمت اولا‌راق گؤردوم. بنزر آنلاییشلا میلتیمین خیدمتینده اولاجاغام" دئدیگینی یازیر.
یئنی شفق قزئتی ده، جمهورباشقانی عبدالله گولون رمضان بایرامی مئساژینی "حضور ایچینده آیریلیرام" باشلیغییلا وئریر.
قزئت، "اینسان حاق و آزادلیق‌لارینی ساووندوم" آلت باشلیغیندا وئردیگی خبرده ده، گولون "دایما دموکراسینی، حقوقون اوستون‌لوگونو و اینسان حاق و اؤزگورلوکلرینی مدافعه ائتدیم. آیریم ائتمه‌دن هر کسی قوجاقلادیم" سؤزلرینه وورغو ائدیر.
میلیت قزئتی، "کؤشکه وداع خیدمته داوام" باشلیغییلا وئردیگی خبرده، جمهورباشقانی عبدالله گولون عزیز میلتیمه بیر شکیلده وداع ائتمیش اولورام دئدیگی بایرام مئساژیندا بون‌دان سونرا دا عینی آنلاییشلا میللتیمین خیدمتینده اولماغا داوام ائدجیم دئیه داوام ائده‌رک سیاسته قاپی آرالادیغینا ایشاره ائدیر .
حریت قزئتی، "غزه داغلادی" باشلیغییلا وئردیگی خبرده، باشباخان رجب طیب اردوغانین بایرام مئساژیندا، بو مبا‌رک آیدا، ایسلام دونیاسی‌نین بعضی بؤلگه‌لرینده آجی‌لار و اذیت‌لرین ده اسکیک اولمادیغینی وورغولایا‌راق، اؤزللیکله غزه‌دن یوکسه‌لن سس‌لرین اورک‌لری داغلادیغینی وورقولادیغینی یازیر.
صاباح قزئتی، "غزه‌لی یارا‌لی‌لار تورکیه‌یه گتیریلدی" باشلیغییلا وئردیگی خبرده ایسراییل‌ین فلسطینه قارشی ائتدیگی سالدیریلاردا یارا‌لانان‌لارین باشباخان اردوغانین تعلیماتییلا معا‌لیجه اوچون تورکیه‌یه گتیریلمه‌یه باشلاندیغینی بیلدیریر.
قزئت، ایلک یارا‌لی‌نین، تورک هاوا یوللارینین سفریله قاهیره اوزرین‌دن ایستانبولا گتیریلدیگینی بیلدیریر.
خبرتورک قزئتی، "غزه اوچون ایسراییل‌لی مستشارلا ایلک تماس باشلیغییلا وئردیگی خبرده، تورکیه‌نین، مصر و ایسراییل ایله غزه‌یه انسانی یاردیم چات‌دیرماق اوچون تماس حالیندایکن، دونن سورپریز بیر گؤروشون یاشاندیغینی بیلدیریر.
قزئت، خاریجی ایشلر باخانلیغی مستشاری فریدون سینیرلی اوغلونون، ایسراییل خاریجی ایشلر باخانلیغی ستشاری ایله گؤروشرک ایسراییل اوزرین‌دن غزه‌یه اوچاقلا ۱۷ تن درمان کمکی‌نین ائدیلمه‌سی قونوسوندا آنلاشدیغینی بیلدیریر.
حریت قزئتی، "عاجل شورا" باشلیغییلا وئردیگی خبرده، باشباخان رجب طیب اردوغانین جمهورباشقانلیغی سئچیمی اؤنجه‌سینده تورکیه اودالار و بورسالار بیرلیگی‌ندن عاجل اقتصاد شوراسی دوزنلمه‌سی ایستدیگینی بیلدیریر.
قزئت، شورانین سئچام‌دن اوچ گون اؤنجه، یعنی ۷ آگوستدا ائدیلجیینی بیلدیریر.
قزئت، اردوغانین شورادا صنایع و تیجارتین پروبلئم‌لرینی دینله‌ییب، اقتصادا باغلی دا مئساژلار وئرجگینین وورغولاندیغینی یازیر.
قزئت، اردوغانین، شورادا، گ۲۰ اؤنجه‌سیبیرلیک طرفین‌دن اولوشدورولان ب۲۰ پلاتفورمو قونوسوندا دا بیلگی آلاجاغینین ایفاده ائدیلدیگینه ایشاره ائدیر.
میلیت قزئتی، "دمیریول‌لاری اؤزل یولوندا" باشلیغییلا وئردیگی خبرده، نقلیات، دنیزچی‌لیک و خبرلشمه باخانی لوطفو الوانین، تورکیه جمهوریتی دؤولت دمیریوللارینین دؤولت تک‌الیندن چیخاریلاجاغینی، اؤزللیکله یوک و یولچو داشیما‌لارینی اؤزل کسیم طرفین‌دن ائدیلمه‌سینی تامین ائتمک اوچون چالیشدیق‌لارینی سؤیلدیگینه یئر وئریر.
قزئت، الوانین، بو ایشلرین ۲۰۱٥ده تاماملاناجاغینی ایفاده ائتدیگینی بیلدیریر.
وطن قزئتی، "تورک پروفسوردان اوزه دری نقلی!" باشلیغییلا وئردیگی خبرده، آلمانیانین کلینیکوم برمن میت خسته‌خاناسی پلاستیک جراحی بؤلومو شئفی پروفسور دکتر جان جدیدی‌نین کپسول پاتلاماسی نتیجه‌سینده اوزو تامامیله یانان ایران‌لی ۲٦ یاشین‌داکی فریبا مرادییه دری نقلی ائتدیگینه یئر وئریر.
قزئت، جدیدی‌نین مرادی‌نین اوزونو گوزلشدیرمه‌سی اوچون بیر ده ماسک یاپدیق‌لارینی سؤیله‌دیگینی یازیر.
خریت قزئتی، "اینگیلتره‌ده بیر تورک اورکستری" باشلیغییلا وئردیگی خبرده، بیر تورک اورکسترینین ایلک دفعه لندن‌دکی پرومس کونسرت‌لرینده چالاجاغینی بیلدیریر.
قزئت، بوروسان فیلارمونی اورکسترینین ۲۹ جولایدا بی‌بی‌سی پرومس کونسرت‌لرینده ایشتیراک ائدجیینی ایفاده ائدیر.
قزئت، بوروسان فیلارمونی اورکسترینین، داها اؤنجه ده سالزبورگ فستیوالیندا چالان ایلک تورک اورکستر اولدوغونو خاطیرلا‌دیر.
صاباح قزئتی، "ایرانین سوپر لیگی تورکیه‌ده بولوشدو" باشلیغییلا وئردیگی خبرده، ایران‌لی فوتبال کلوب‌لاری‌نین کمپ اوچون آنتالیا، ایستانبول و بولوداکی تاسیس‌لره آخین ائتمه‌یه باشلادیغینی بیلدیریر.
قزئت، ایران‌داکی ۱٦ تاخیمین مباریزه ائتدیگی ایران لیگی‌نین ٤ بؤیوک‌لری اولان سپاهان، سایپا، ایستیقلال، پرسپولیس کیمی تاخیم‌لارین تورکیه‌دکی کمپ‌لرده چالیشمایا باشلادیغینی یازیر.
ایلگیلی‌لی خبرلر
تورکیه مطبوعاتی 13 دسامبر 2019
تورکیه مطبوعاتیندا بو گون درج اولونان بعضی خبرلرین خلاصه سینی تقدیم ائدیریک.
