تورک دیلی کوزووودا 'رسمی دیل' اولدو
کوزووونون مرکزینده یئرلشن لیپیان بلدییهسینده تورک دیلی «رسمی ایستیفادهده اولان دیل» ایستاتوسونا داخیل ائدیلیب.
کوزووونون مرکزینده یئرلشن لیپیان بلدییهسینده تورک دیلی «رسمی ایستیفادهده اولان دیل» ایستاتوسونا داخیل ائدیلیب.
کوزووودا لیپیان بلدییه شوراسیندا کئچیریلن ایجلاسدا تورکجهنین «رسمی ایستیفادهده اولان دیل» ایستاتوسو آلماسی یئکدیللیکله قبول ائدیلیب.
حاضیردا تورک دیلی کوسووونون پریزرن و ماموشا بلدییهلرینده «رسمی دیل»، پریشتینا، گیلان، ویجیتیرین، جنوبی میتروویتسا و شیمالی میتروویتسا بلدییهلرینده ایسه «رسمی ایستیفادهده اولان دیل» ایستاتوسونا مالیکدیر.
کوزووو قانونلارینا گؤره، بلدییه سرحدلری داخیلینده عنعنوی اولاراق دانیشیلان دیل تمثیلچیلییندن آسیلی اولمایاراق «رسمی ایستیفادهده اولان دیل» ایستاتوسونا مالیک اولا بیلر.
بو ایل کوزووودا کئچیریلن سون لیستهیه آلمانین نتیجهلرینه گؤره، اؤلکهده جمعی ۱۹ مین ۴۱۹ تورک یاشاییر، تخمیناً ۵۰ مین اینسان ایسه آنا دیلی ایله یاناشی تورکجه دانیشابیلیر.
ایلگیلیلی خبرلر
هاکان فیدان قیبریسدا گؤروشلر کئچیرمهیه داوام ائدیر
قوزیی قیبریس تورک جمهوریتینده سفرده اولان هاکان فیدان گؤروشلر کئچیرمهیه داوام ائدیر.
