قوزئی قیبریس تورک جمهوریتی‌نده شیدتلی فیرتینا
شدتلی کولک سببی ایله آغاجلار آشدی، داملار، تابلولار اوچدو، ضرر گؤره‌ن دیرکلر و قوپان تئللر سببی ایله بعضی بؤلگه‌لرده الکتریک کسیلمه‌لری یاشاندی
قوزئی قیبریس تورک جمهوریتی داخیلینده دونن سحر ساعاتلاریندا تأثیرینی گؤسترمه‌یه باشلایان شدتلی فیرتینا، اؤلکه داخیلینده حیاتا منفی تأثیر ائدیر.
باشدا پایتاخت لئفکوشا اولماق اوزره بوتون شهرلرده تأثیرینی گؤستره‌ن شدتلی کولک سببی ایله آغاجلار آشدی، داملار، تابلولار اوچدو، ضرر گؤره‌ن دیرکلر و قوپان تئللر سببی ایله بعضی بؤلگه‌لرده الکتریک کسیلمه‌لری یاشاندی.
گمیجیک ترافو مرکزینده‌کی فیرتینا قایناقلی قضا سببی ایله، گیرنه شهرینده‌کی بیر چوخ بؤلگه‌یه سحر ساعاتلاریندان اعتباراً الکتریک وئریله بیلمیر.
گوزل یورت و اسکه‌له شهرلرینده ده فیرتینادان اؤترو باشدا ایستی خانالار اولماق اوزره بعضی اکینچیلیک ساحه‌لری ضرر گؤردو.
قوزئی قیبریس تورک جمهوریتی متورولوژی اداره‌سی خبردارلیق ائد‌رک شدتلی فیرتینا سببی ایله وطنداشلاردان دقتلی اولمالارینی ایسته‌دی.
قوزئی قیبریس تورک جمهوریتی اکینچیلیک و طبیعی قایناقلار ناظیرلیگیندن وئریله‌ن یازیلی شرحده، منفی هاوا شرطلری سببی ایله خصوصیله ایستی خانالار، سیغیناجاقلار و بالیقچیلار باشدا اولماق اوزره بوتون اکینچیلیک استحصال سئکتورلاریندا جدی زیانلار میدانا گلدیگینه دقت چکیله‌رک، منفی هاوا شرطلرینین بیر مدت داها داوام ائد‌جک اولماسیندان اؤترو تهلوکه‌نین هله کئچمدیگی ایفاده ائدیلدی.
قوزئی قیبریس تورک جمهوریتی جمهورباشقانی ارسین تاتار دا یازیلی شرح وئررک، وطنداش مدافعه باشقانی و پلیس عمومی مودورو ایله داواملی موشاویره ایچریسینده اولدوغونو کؤچوره‌رک، کوله‌گین شدتینین چوخ یوکسک اولماسی سببی ایله وطنداشلاری، مجبور قالمادیقجا ائولریندن چیخمامالاری ایستیقامتینده خبردار ائتدی.
