اؤزبکیستانین یئنی حکومتی‌نین ترکیبی تصدیقلنیب
اؤزبکیستان پرزیدنتی شوکت میرضیایئو عبدالله آریپووون صدرلیگی ایله یارادیلمیش یئنی حکومتی تصدیقله‌ییب.
اؤزبکیستان پرزیدنتی شوکت میرضیایئو عبدالله آریپووون صدرلیگی ایله یارادیلمیش یئنی حکومتی تصدیقله‌ییب.
جمهور باشقانلیغی اوفیسیندن وئریلن معلوماتا گؤره، پرزیدنت میرضیایئو پارلمانین آشاغی قانادی اولان قانون وئریجی‌لیک مجلیسی‌نین موذاکیره‌سیندن سونرا تقدیم ائدیلن یئنی حکومت عضو‌لری‌نین تصدیقی حاقیندا فرمانی ایمضالاییب.
فرمانا اساساً، عبدالله آریپووون یئنی‌دن باش ناظیر اولدوغو حکومتده باش ناظیرین 4 معاوینی و 20 ناظیر وار.
اؤزبکیستاندا اوکتبرین 27-ده کئچیریلن عمومی سئچکی‌لردن سونرا حکومت یئنی کابینه فورما‌لاش‌دیرماق اوچون بو هفته‌نین اولینده ایستعفا وئریب.
قانون وئریجی‌لیک مجلیسی‌نین دونن کئچیریلن ایجلاسیندا پرزیدنت میرضیایئو سیاسی پارتیا‌لارلا مصلحت لشمه‌لردن سونرا آریپووون یئنی‌دن باش ناظیر اولماسینی تکلیف ائدیب، پارلمان عضو‌لری ایسه گیزلی سسوئرمه‌ده آریپووون یئنی‌دن باش ناظیر اولماسینی یئکدیل‌لیکله دستکله‌ییب‌لر.
اول‌لر حکومت‌لرده موختلیف وظیفه‌لرده چالیشان آریپوو 2016 و 2019-جو ایللرده کئچیریلن سئچکی‌لردن سونرا باش ناظیر اولوب.
