آهیسکا تورکلرینین سورگون ائدیلمه‌سیندن 80 ایل اؤتور
آهیسکا تورکلرینین اؤز وطن‌لریندن سورگون اولونماسیندان 80 ایل کئچیر.
آهیسکا تورکلرینین اؤز وطن‌لریندن سورگون اولونماسیندان 80 ایل کئچیر.
بو گون کئچمیش شوروی‌نین ترکیبینده اولان گورجوستان شوروی‌نین (ایندیکی گورجوستان جمهوریتی) مسخیتیا بولگه سینده یاشایان آهیسکا تورکلرینین 1944-جو ایل نوامبرین 14-ده شوروی حکومتی طرفیندن مرکزی آسیایا (قازاخیستان، قیرغیزیستان و اؤزبکیستانا) تبعید ائدیلمه‌سی‌نین 80-جی ایلدؤنومودور.
معلوماتا گؤره، تبعید زامانی او دؤورده گورجوستاندا 212 کندده یاشایان تقریباً 95 مین آهیسکا تورکو اؤز ائولریندن مجبوری قایدادا چیخاریلا‌راق یوک واگون‌لاری ایله چوخ آغیر شرط‌لر آلتیندا مرکزی آسیا جمهوریت لرینه سورگون ائدیلیب‌لر.
تبعید اولونان‌لار خصوصی یاشاییش منطقه‌لرینه یئرلشدیریلیب، اورادا مجبوری امه‌یه جلب اولونوب‌لار.
سورگون‌دکی دؤزولمز شرایط ان آزی 12 مین (بعضی اینفورماسیونلارا گؤره، 50 مینه قدر) آهیسکا تورکونون اؤلومونه سبب اولوب.
تبعید شوروی ناظیرلر کابینه‌سی‌نین صدری جوزف استالین‌ین بیرباشا امری اساسیندا شوروی خالق داخیلی ایشلر کمیساری لاورنتی بریانین رهبرلیگی ایله 4 مین میلیس امکداشی طرفیندن حیاتا کئچیریلیب.
