تورکیه صنایع و تکنولوژی ناظیری تورک دؤولت‌لری تشکیلاتی‌نین اقتصادیات ناظیرلری ایله گؤروشوب
صنایع و تکنولوژی ناظیری محمت فاتح کاجیر ایستانبولدا تورک دؤولت‌لری تشکیلاتینا عضو اؤلکه‌لرین اقتصادیات ناظیرلری ایله گؤروشوب.
صنایع و تکنولوژی ناظیری محمت فاتح کاجیر ایستانبولدا تورک دؤولت‌لری تشکیلاتینا عضو اؤلکه‌لرین اقتصادیات ناظیرلری ایله گؤروشوب.
صنایع و تکنولوژی ناظیری محمت فاتح کاجیر، آذربایجانین اقتصادیات ناظیری میکاییل جاباروو، قیرغیزیستانین اقتصادیات و تیجارت ناظیری دانیار امانگلدیئو، قوزئی قیبریس تورک جمهوریتی‌نین اقتصادیات و انرژی ناظیری اولقون آمجااوغلو، تورک دؤولت‌لری تشکیلاتی‌نین (ت.د.ت) باش کاتیبی کوبانیچ‌بیگ عمرعلی یئو ایله گؤروشوب.
ایجلاسدا بیرگه آراشدیرما و تکمیللشدیرمه لاییحه‌لری، صونعی ذکانین اینکیشافی و دیجیتال کیمی مسئله‌لر اوزره 12 ایشچی قروپو یارادیلیب.
کاجیر تورک دونیاسی اؤلکه‌لری آراسیندا امکداشلیغین درینلشدیریلمه‌سی و کونکرئت لاییحه‌لرین سرعتله حیاتا کئچیریلمه‌سی اوچون قارشی‌لارینا گوجلو هدف‌لر قویدوق‌لارینی وورغولاییب.
او بیلدیریب کی، ناظیرلر بیاننامه‌سی و فعالیت پلانی عضو‌لر آراسیندا دایمی امکداشلیغین اساسینی تشکیل ائده‌جک.
ناظیر کاجیر بو آددیم‌لارین تورک دؤولت‌لری آراسیندا هم رای‌لیگی آرتیرا‌راق اورتاق مقصدلره چاتماق اوچون مهم باشلانغیج اولاجاغینی وورغولاییب.
