ارسین تاتار، جمهورباشقانی اردوغانا تشکر ائتدی
"حؤرمتلی جمهورباشقانی، قیبریسدا ایکی دؤولت و ایکی خالق اولدوغو گئرچگی ایله بو گون ده بین الخالق جمعیتی بیر دفعه داها شیمال قیبریس تورک جمهوریتینی تانیمایا، دیپلوماتیک، سیاسی و اقتصادی علاقه‌لر قورماغا دعوت ائتمیشدیر"
شیمالی قیبریس تورک جمهوریتی جمهورباشقانی ارسین تاتار، بیرلشمیش میللتلر ۷۹.جو عمومی قورولوندا ائتدیگی دانیشمادا بین الخالق جمعیتی شیمالی قیبریس تورک جمهوریتینی تانیمایا، دیپلوماتیک، سیاسی و اقتصادی علاقه‌لر قورماغا دعوت ائد‌ن جمهورباشقانی رجب طیب اردوغانا اؤزو و خالقی آدینا تشکر ائتدی.
شیمالی قیبریس تورک جمهوریتی جمهورباشقانلیغیندان وئریله‌ن شرحده تاتار، جمهورباشقانی اردوغانین بیرلشمیش میللتلر ۷۹.جو عمومی قورولوندا ائتدیگی دانیشماسیندا، قیبریس تورکلرینین حاقلارینا وورغو ائد‌رک دونیا دؤولتلرینه شیمالی قیبریس تورک جمهوریتینی تانیمالاری یولوندا چاغریش ائتدیگینه دقت چکه‌رک،
"جمهورباشقانی حؤرمتلی رجب طیب اردوغانا شخصیم و قیبریس تورک خالقی آدینا ان درین حؤرمتله تشکرلریمی تقدیم ائدیره‌م" ایفاده‌سیندن ایستیفاده ائتدی.
تاتار شرحینده، اردوغانین عمومی قورولداکی دانیشماسیندا ایشتیراک ائد‌ن شیمالی قیبریس تورک جمهوریتی ایله باغلی ایفاده‌لرین اؤزلرینی شرفلندیردیگینی وورغولایاراق، بونلاری قئید ائتدی:
"حؤرمتلی جمهورباشقانی، تمثیلیتیمیزه مانع تؤرتمک ایسته‌یه‌نلره ان یاخشی جاوابی وئره‌رک، قیبریس تورک خالقینین سسی و نفسی اولاراق، حاقلی دعویمیزین دونیا گوند‌مینه بیر دفعه داها قالین حرفلرله گیرمه‌سینه وسیله اولموشدور. تورکیه جمهورباشقانی حؤرمتلی رجب طیب اردوغان، ائتمیش اولدوغو تاریخی دانیشماسیندا، ان دقیق ایفاده‌لرله فدراسیون مودلینین تامامیله اعتبارلیلیغینی ایتیردیگینی، اؤزده‌ن گلن حاقلاریمیز اولان اگمن برابرلیگیمیز و برابر بین الخالق ایستاتوسوموزون یئنیدن تسجیل ائدیلمه‌سینین شرط اولدوغونو و قیبریس تورکلرینه تطبیق اولونان تجریدین سونا چاتماسی لازیم اولدوغونو وورغولامیشدیر. حؤرمتلی جمهورباشقانی، قیبریسدا ایکی دؤولت و ایکی خالق اولدوغو گئرچگی ایله بو گون ده بین الخالق جمعیتی بیر دفعه داها شیمال قیبریس تورک جمهوریتینی تانیمایا، دیپلوماتیک، سیاسی و اقتصادی علاقه‌لر قورماغا دعوت ائتمیشدیر".
