هاکان فیدان: "تورکیه-اؤزبکیستان امکداش‌لیغی داها دا گوجلنیر"
هاکان فیدان، علی یئرلی کایا و ابراهیم کالین ایله بیرلیکده اؤزبکیستانین پایتاختی داشکنده سفری چرچیوه‌سینده خاریجی ایشلر ناظیری بختیار سعیدوو گؤروشوب.
خاریجی ایشلر ناظیری هاکان فیدان، ایچ ایشلر ناظیری علی یئرلی کایا و میللی کشفیات تشکیلاتی‌نین (میت) رهبری ابراهیم کالین ایله بیرلیکده اؤزبکیستانین پایتاختی داشکنده سفری چرچیوه‌سینده خاریجی ایشلر ناظیری بختیار سعیدوو گؤروشوب. فیدان، اؤزبکیستانین اونلارین ایکینجی وطنی اولدوغونو وورغولایا‌راق، "آرامیزداکی امکداش‌لیغی داها دا ایره‌لی آپارماق اوچون لیدئرلریمیزین بؤیوک ایراده‌سی وار. ایکی اؤلکه آراسیندا استراتژی امکداش‌لیغی معاصر دؤورون احتیاج‌لارینا و چاغیریش‌لارینا جاواب وئره‌جک شکیلده گوجلندیرمک هم تورک دونیاسی، هم ده ایکی اؤلکه اوچون اولدوقجا واجیب‌دیر،" دئیه قئید ائدیب.
ژوئن آییندا آنکارادا کئچیریلن تورکیه-اؤزبکیستان یوکسک سویه‌لی استراتژی امکداش‌لیق شوراسی‌نین 3-جو ایجلاسی‌نین تاریخی بیر دؤنوش نقطه‌سی اولدوغونو وورغولایان فیدان، ایکی اؤلکه لیدئرلرینین مهم قرارلار قبول ائتدیگینی خاطیرلادیب. فیدان همچنین، بو گون داشکندده ایچ ایشلر ناظیری یئرلی کایا و میت رهبری کالین ایله اهمیت‌لی بیر گؤروش کئچیردیک‌لرینی، ژوئن آییندا ایکی اؤلکه لیدئرلرینین قبول ائتدیگی قرارلارین حیاتا کئچیریلمه‌سی اوچون چالیشمایا داوام ائده‌جکلرینی بیلدیریب.
