بوندان بئله تورک دونیاسی‌نین ۳۴ حرفدن عبارت اولان اورتاق بیر الیفباسی وار
تورک دونیاسی اورتاق الیفبا اوزرینده آنلاشدی
تورک آکادمیسی، تورک دؤولتلری تشکیلاتینین قوردوغو تورک دونیاسی اورتاق الیفبا کمیسیونونون ۳۴ حرفدن عبارت اولان اورتاق تورک الیفباسی تکلیفی اوزرینده آنلاشدیغینی بیلدیردی.
مرکزی، قازاقیستانین پایتاختی آستانادا اولان تورک آکادمیسیندن وئریله‌ن آچیقلامادا، تورک آکادمیسی و تورک دیل تشکیلاتی امکداشلیغیندا ۹-۱۱ سپتیامبر تاریخلرینده آذربایجانین پایتاختی باکیدا تورک دونیاسی اورتاق الیفبا کمیسیونونون ۳.جو ییغینجاغینین ائدیلدیگی بیلدیریلدی.
آچیقلامادا، تورک دؤولتلری تشکیلاتی عضوو اؤلکه‌لردن عبارت اولان تورک دونیاسی اورتاق الیفبا کمیسیونو عضولرینین قاتیلدیغی ییغینجاغین باشارییلا تاماملاندیغینا ایشاره ائدیله‌رک،
"ییغینجاغین تمل مقصدی، بو ساحه‌ده الده ائدیله‌ن معلوماتلار و کمیسیونونون ۲ ایللیک فعالیت تجروبه‌سیندن فایدالاناراق تورک دیللری اوچون اورتاق الیفبا پروژه‌سینه باغلی ایشلری نتیجه‌له‌ندیرمک ایدی" ایفاده‌لریندن ایستیفاده ائدیلدی.
ییغینجاقدا ایلک اولاراق ۱۹۹۱ده بیلیم اینسانلاری طرفیندن تکلیف ائدیله‌ن لاتین اساسلی اورتاق تورک الیفباسی پروژه‌سینین احاطه‌لی شکیلده گؤزدن گئچیریلدیگی و کمیسیون عضولرینین بو الیفبا پروژه‌سینده گلیشدیریلمه‌سی لازیم اولان خصوصلارا باغلی لازیم اولان تثبیتلری ائتدیکلری وورغولانان آچیقلامادا،
"بو فداکارجا ایشین نتیجه‌سینده، ۳۴ حرفدن عبارت اولان اورتاق تورک الیفباسی تکلیفی اوزرینده آنلاشدی. تکلیف ائدیله‌ن الیفباداکی هر حرف، تورک دیللرینده اولان فرقلی فونئملری تمثیل ائتمکده‌دیر" دئییلدی.
