اورمیه گؤلو آذربایجانین کیملیگی (شناسنامه) دیر
بو گؤله یاخین اولان و گؤل ایله قارشیلیقلی علاقه‌سی اولان شیمال-غرب ایالتلری و قونشو اؤلکه‌لرین اینکیشافی مۆطلق بو گؤلون ائکوسیستئمیندن تأثیرلنیر.
شرقی آذربایجان ویلایتی ایسلامی آزاد اونیوئرسیتهسینین تبریز واحیدی‌نین تدقیقات و تئکنولوژی پرورئکتورو، ۱۴۰۳-جۆ ایلین شهریور آیی‌نین ۷-سینده ”اورمیه گؤلو حوزه‌سینین داواملی اینکیشافیندا میللی فیکیرلر و یئنی یوللار کونفرانسی» ترتیب ائتدی.
شرقی آذربایجان ایسلامی آزاد اونیوئرسیته‌تینین رئیسی "آرش رنجبران" بو کونفرانسین آچیلیش مراسیمینده چیخیش ائده‌رک بئله دئدی: مۆعاصیر دۆنیادا اینکیشافین ان اؤنملی مفهوملاریندان بیری داواملی اینکیشافدیر. داواملی اینکیشاف سوسیال، معدنی، ایقتصادی و ائکولوژی سئکتورلاردا بالانسلاشدیریلمیش و داواملی آرتیم طلب ائدیر و بئله‌جه گله‌جک نسیل‌لرین اؤز ائحتیاجلارینی قارشیلاماق قابیلییتینه خلل گتیرمه‌دن جاری ائحتیاجلارا جاواب وئریر.
شرقی آذربایجان ایسلامی آزاد اونیوئرسیتهسینین رئیسی، هر اؤلکه‌نین داواملی اینکیشاف ایده‌آللارینین هامی اۆچون داها یاخشی و داها ثابیت گلجه‌یه آپاران یول خریطه‌سی کیمی قیمتلندیریلدی‌یینی بیلدیره‌رک، اورمیه گؤلونون آذربایجانین کیملیگی (شناسنامه) اولدوغونو وورغولاییب و بدله دئدی: "بو گؤله یاخین اولان و گؤل ایله قارشیلیقلی علاقه‌سی اولان شیمال-غرب ایالتلری و قونشو اؤلکه‌لرین اینکیشافی مۆطلق ایله گؤلون ائکوسیستئمیندن تأثیرلنیر.
رنجبران بئله وورغولادی: اورمیه گؤلونون ایندیکی و گله‌جک‌ده‌کی وضعیتی، ساغلیق، ایقتیصادیات، صنایع، کند ایشلری، تیجارت و اؤنملی معدنی-اجتماعی گؤستریجیلره تأثیر ائدیب و بوندان سونرا دا تاثیر ائده‌جم و بو مسئله‌یه دقت یئتیریلمه‌سی انکار ائدیلمز بیر ضرورتدیر.
او بو کونفرانسی کئچیرمکده مقصدین، مساله‌نین ماراقلی طرفلر اۆچون بؤیوک اهمییتینی وورغولاماق اولدوغونو بیلدیره‌رک بئله دئدی: اۆمید ائدیرم کی، بو کونفرانسین نتیجه‌لری بو ساحه‌ده قرار وئرنلرین وئره‌جکلری قرارلاردا ثمره‌لی اولا بیلر.
