تورکیه، ایسراییلی رسمی‌لرین جزالاندیریلماسی اوچون موباریزنی داوام ائتدیره‌جک
تورکیه، ایسراییلی رسمی‌لرین غزهدهکی جینایت‌لرینه گؤره جزالاندیریلماسی اوچون موباریزنی داوام ائتدیره‌جک.
عدالت ناظیری ییلماز تونچ بیلدیریب کی، تورکیه غزه‌ده سوی قیریم تؤره‌دن ایسراییل رسمی‌لری لاییق اولدوق‌لاری جزانی آلانا قدر موباریزه آپارا‌جاق.
ناظیر تونچ قازاخیستاندا تورک دؤولت‌لری تشکیلاتی‌نین عدالت ناظیرلری شوراسی‌نین بیرینجی توپلانتی‌سیندا چیخیش ائدیب.
تورکیه‌نین غزهدهکی قیرغینی دایان‌دیرماق اوچون گؤستردیگی سعی‌لری ایضاح ائدن تونچ، "تورکیه اولا‌راق، پرزیدنتیمیز جناب رجب طیب اردوغانین لیدئرلیگینده فیلیسطینده آخان قانی دایان‌دیرماق اوچون سیخ بیر دیپلماسی حرکتی حیاتا کئچیریریک" دئدی.
7 آوقوست تاریخینده سوی قیریم ایشینده طرف اولماق اوچون رسمی مراجعت ائتدیک‌لرینی خاطیرلا‌دان تونچ، "تورکیه اولا‌راق، ایسراییل‌لی رسمی‌لر لاییق اولدوق‌لاری جزانی آلانا قدر موباریزه‌میزی داوام ائتدیرجییک" دئیه بیلدیریب.
ناظیر همچنین تورک دؤولت‌لری تشکیلاتی اؤلکه‌لری آراسیندا عدالت و محکمه ساحه‌سینده امکداشلیغین اهمیتینه توخونا‌راق، اولوسلار آراسی محکمه ایش بیرلیگینی داها دا اینکیشاف ائتدیرمگی تکلیف ائدیب.
تونچ، تورکیه‌نین ترورلا موباریزه‌ده تورک دؤولت‌لری تشکیلاتینا عضو اولان اؤلکه‌لردن داها چوخ دستک گؤزلدیگینی ده وورغولایا‌راق، "تاریخی، مدنی و قوهوملوق باغ‌لاریمیز اولان تورک دونیاسی اؤلکه‌لریندن خصوصی اولا‌راق گؤزلنتیمیز اولدوغونو بیر داها قئید ائتمک ایستییرم" دئییب.
