علییئو: جنوبی قافقازدا باریشی تامین ائده بیلریک
"باریش آنلاشماسی متنینین تخمیناً یوزده ۸۰ی اوزرینده آنلاشمایا چاتیلدی. موذاکیره‌لرین باریش آنلاشماسینین ایمضالانماسییلا نتیجه‌لنه‌جگینی اومود ائدیریک"
آذربایجان جمهورباشقانی ایلهام علییئو، ارمنیستانلا ایجرا ائدیله‌ن موذاکیره‌لرده باریش آنلاشماسی متنینین تخمیناً یوزده ۸۰ی اوزرینده آنلاشمایا چاتیلدیغینی بیلدیردی.
علییئو، ایتالیانین کومو گؤلو ساحلینده‌کی سرنوبیو قصبه‌سینده هر ایل سپتامبر آیی باشیندا تشکیل ائدیله‌ن آمبروستی فورومونا قاتیلاراق دانیشدی.
آذربایجان تورپاقلارینین ایللرجه ارمنیستانین ایشغالی آلتیندا قالدیغینی و ۲.جی قاراباغ ساواشیندا تورپاقلارین قورتاریلدیغینی خاطیرلادان علییئو بونلاری سؤیله‌دی:
"جنوبی قافقازدا باریشی تامین ائده بیلریک. بو گون آذربایجان ایله ارمنیستان آراسینداکی باریش گؤروشمه‌لرینه باخدیغیمیزدا بونون مومکون اولدوغونو گؤروروک. باریش آنلاشماسی متنینین تخمیناً یوزده ۸۰ی اوزرینده آنلاشمایا چاتیلدی. موذاکیره‌لرین باریش آنلاشماسینین ایمضالانماسییلا نتیجه‌لنه‌جگینی اومود ائدیریک".
