اورمیه گولو قوروسا، تهرانین اؤلچوسوندن ۷ دفعه بویوک اولان بیر اراضی شورانلیغا چئوریله‌جک
اورمیه گولو قوروسا، تهرانین اؤلچوسوندن ۷ دفعه بویوک اولان بیر اراضی چؤله یوخ شورانلیغا چئوریله‌جک
تبریز، اوسکو و آذرشهر خالقی‌نین ایران ایسلام شوراسینداکی نوماینده‌سی روح‌الله متفکر آزاد، اورمیه گؤلونون وضعیتینین چوخ تهلوکه‌لی اولدوغونون یاپی تدبیرلری و یاغینتیلار سببین‌دن گؤرونمه‌دیگینی آنجاق وضعیتین چوخ خطرلی اولدوغونو وورقولاییب.
او بئله دئیب: اگر اورمیه گولو قوروسا، تهرانین اؤلچوسوندن ۷ دفعه بویوک اولان بیر اراضی چؤله یوخ شورانلیغا چئوریله‌جک.
”ایسنا» خبر آژانسی‌نین وئردیگی معلوماتا گؤره، متفکر آزاد ”اورمیه گؤلو حوزه‌سینین داواملی اینکیشافیندا میللی فیکیرلر و یئنی یوللار کونفرانسی»ندا اورمیه گؤلونون ادعا ساحه‌سینین سهوه‌ن دئییشتیگینی بیلدیره‌ره‌ک بئله دئدی: بو عصرده چوخ دا اوزاق اولمایان بیر گله‌جکده حؤکومتلرین بوتون موناقیشه‌لری سو ایله باغلی اولاجاق. بو موناقیشه‌ده بیر شئی ایتمیشدیر، اوْ دا سو بؤحرانینی آرادان قالدیرماق اوچون اینسان سینئرژیسینه دقت یئتیرمکدیر.
او دئییب: ۱۴۰۱-جی ایلین تیر آییندا اورمیه گؤلونون برپاسی قرارگاه‌یندا آراشدیرما و تدقیق اوچون مجلیسدن بیر قرار آلدیم و شهید رئیسی‌نین سعی‌ای ایله اورمیه گؤلونون یاپی‌لارینین تاماملانماسی اوچون ۱۵۰۰ میلیارد تومن آیریلدی. آلما فیلیزی حاضیردیر، تصفیه خانالار دا تاماملانیر، لاکین مسئله یاپی ایشلرینین چوخ داها اوستونده‌دیر.
آزاد متفکر داها سونرا اورمیه گؤلونون قوروماسی و بونون نتیجه‌سینده یارانان چیرکلنمه‌نین اقتصادی، مدنی، کولتوره‌ل و ائکولوژی اؤلچولره داغیدیجی تأثیرینی وورغولادی.
