توکایئودن قازاقیستان اقتصادی ایله باغلی آچیقلاما
توکایئو، شیرکت صاحبلرینی اجتماعی پروژهلره داها آکتیو قاتیلماغا، مکتب، خسته خانا، ایستادیوم، موزه و دیگر اجتماعی-مدنی تاسیس تیکیمینه ایشتیراک ائتمهیه چاغیردی
قازاقیستان دؤولت باشقانی قاسیم جومرد توکایئو خالقا خیطابیندا حل گؤزلهیهن بیر سیلسیله اقتصادی پروبلئمدن بحث ائتدی. دؤولت شیرکتلرینین رهبرلیگی و غیر قانونی وارلیقلارین دؤولته تحویلی مؤوضوعلارینا توخونان باشقان دؤولتین اقتصادا ایشتیراکینین اوپتیمیزه ائدیلمهسی لازیم اولدوغونو سؤیلهدی. توکایئو، "دؤولتین اقتصادا بیر باشا ایشتیراکی هله یوکسک سویهده و بو وضعیت بازاردا برابرلیک شرطلرینی پوزور، خصوصی گیریشیمی باسقیلاییر. بیزده دؤولت شیرکتلرینین رهبرلیگی سیاستینین هله اینکیشاف ائتمهدیگینی قبول ائتمهلیییک" دئیه دانیشدی.
باشقان ایش دونیاسیندا ائدیلهن اصلاحاتلارین موفقیتینی وورغولارکهن هله حله قوووشدورولابیلمهیهن پروبلئملره دقت چکدی. توکایئو، "اصلاحاتین ایلکمرحلهده گیریشیمچیلیک فعالیتلرینی محدودلاشدیران ۱۰ میندن چوخ گرکسیز و گونجل اولمایان تعهد قالدیریلدی. یئنه ده ایش اینسانلاریندان دؤولت مقاملارینین حدیندن آرتیق کنترلچو و نظارت ائدیجی فعالیتلرینه دایر شیکایتلر آلیریق" دئدی.
توکایئو غیر قانونی وارلیقلارین دؤولته تحویلی مؤوضوعونا خصوصیله یئر وئردی و آنلاشماچی بیر یاناشیم تکلیف ائتدی: "سیجیله قئیدلی گیریشیمچیلره، تحویل وئریلهن وارلیقلار غیر قانونی قبول ائدیلمهدن سوزلشمه فورصتی وئریلهبیلر". بونونلا بیرلیکده باشقان امکداشلیغا یاناشمایانلارا قارشی سرت تدبیرلر آلیناجاغی قونوسوندا خبردار ائتدی. توکایئو، "رد یا دا مدتی اوزاتما حالیندا بو ایش اینسانلارییلا باشقا جور دانیشیلاجاق" دئدی.
باشقان آیریجا بؤیوک شیرکت صاحبلرینی اجتماعی پروژهلره داها آکتیو قاتیلماغا، مکتب، خسته خانا، ایستادیوم، موزه و دیگر اجتماعی-مدنی تاسیس تیکیمینه ایشتیراک ائتمهیه چاغیردی. توکایئو خیریهچیلرین آدلارینی "قیزیل لیسته" آلاراق اؤلومسوزلشدیرمه سؤزو وئردی.
