تهران بلدیهسی، «طوغرول قالاسی»نین اطراف دووارینا کاشی دؤشهییب
ایران مطبوعاتی تهران بلدیهسینین بو حرکتینی «عجیب» آدلاندیریب
ایران مطبوعاتینین وئردیگی معلوماتا گؤره، تهرانین ۲۰-جی محله بلدیهسی، ری شهرینده سلجوقلولار دؤرونه عاید «طوغرول قالاسی»نین اطراف دووارینا کاشی دؤشهییب.
ایران مطبوعاتی تهران بلدیهسینین بو حرکتینی «عجیب» آدلاندیریب.
بونونلا باغلی ایرانین کولتورل میراث ساحهسینده تجروبهلی ژورنالیست مرجان حاجیرحیمی اینستاگرام صحیفهسینده «طوغرول قالاسی»نین شکیللرینه یئر وئرهرک بئله یازیب: «هئچ بیر تاریخی دؤرده، تاریخی بیر یئرین دووارلارینین کاشی اولدوغو قیده آلینماییب. مگر بوراسی حامام دیر؟ حتی حامامین دا دووارلاری بئله کاشی دؤشنمهییب».
او، داها سونرا تهران بلدیهسینین بو حرکتینی "گؤرونمهمیش" آدلاندیریب و "تهران کولتورهل میراث ادارهسینین سوکوتونا" ایشاره ائدیب.
تورکیهده تاریخ پروفئسورو و سلجوقلولار دؤرونه دایر کیتابلارین مولیفی اولان و بو ساحهده آراشدیرما آپارماق اوچون بیر مودت ایراندا یاشایان عایشه آتیجی آرایانجان دا "آنادولو خبر آژانسی" ایله موصاحیبهسینده ایران بو بارهده بئله دئییر:
ایران حؤکومتینین سلجوقلولار دؤورونه عائید تاریخی عابیدهلر و یئرلره ایلگیسی اوزوجودور. ایراندا قالدیغیم ایللرده گوردوم کی سلجوقلو دؤرونه عاید اثرلره یاخشی باخیلمامیش، موزهیه چئوریلمهمیش. مثلاً، جلالی قالاسینین دووارلاری داغیدیلیب، کیتابهلری ده داغیلماغا باشلامیشدیر. نظام ملک و سلطان ملکشاهین مزارلاری حؤکومت طرفیندن دئییل، سون 3 نسیلدن بری اورادا اولان بیر عائله طرفیندن قورونور. بو عائلهنین عوضولریندن بیری منیم سفریم زامانی اورادا اولوب، عائلهسینین بو ساحهدکی تاریخینی منه ایضاح ائتدی، آنجاق حؤکومت بو اثرلرین قورونوب ساخلانماسینا یئترلی قدر اهمیت وئریب».
بو تورک تاریخچیسی سلجوقلو دؤرونه عاید اولان تاریخی اثرلرین، سلجوقلولارین سنی تورک اولدوقلاری اوچون اهمیت وئریلمهدیغینی ..رقولادی.
