اردوغان، علییئوی تبریک ائتدی
جمهورباشقانی اردوغان، سئچکیلرین ۳۰ ایل آرادان سونرا ایلک دفعه ایشغالدان قورتاریلان بؤلگهلر ده داخیل آذربایجانین بوتون اگمن تورپاقلاریندا تشکیل ائدیلمهسینین اهمیتینی ده قئید ائتدی
جمهورباشقانی رجب طیب اردوغان، آذربایجان جمهورباشقانی ایلهام علییئو ایله تلفندا دانیشدی.
جمهورباشقانلیغی ایلهتیشیم باشقانلیغیندان وئریلن آچیقلامایا گؤره، جمهورباشقانی اردوغان تلفن دانیشماسیندا، علییئوی، آذربایجاندا تشکیل ائدیلهن پارلمان سئچکیلرینده لیدئری اولدوغو یئنی آذربایجان پارتیسینین ظفری سببی ایله تبریک ائتدی.
سئچکی نتیجهلرینین، قارداش آذربایجان خالقینین، علییئو و پارتیسینه دویدوغو گوونی گؤستردیگینه ایشاره ائدن اردوغان، سئچکیلرین دموکراتیک بیر اورتامدا، دینجلیک و سکونت ایچریسینده گئرچکلشمهسینین ممنونیت وئریجی اولدوغونو ایفاده ائتدی.
جمهورباشقانی اردوغان، سئچکیلرین ۳۰ ایل آرادان سونرا ایلک دفعه ایشغالدان قورتاریلان بؤلگهلر ده داخیل آذربایجانین بوتون اگمن تورپاقلاریندا تشکیل ائدیلمهسینین اهمیتینی ده قئید ائتدی.
آذربایجاندا ۱ سپتامبردا تشکیل ائدیلهن سئچکیلرده، اقتدارداکی یئنی آذربایجان پارتیسی، پارلماندا ان چوخ کورسویه صاحب پارتی اولموشدو.
