تورکیهدن آذربایجانداکی سئچکیلرله باغلی آچیقلاما
"پارلمان سئچکیلرینین، ایشغالدان قورتاریلان تورپاقلار داخیل، آذربایجانین بوتونونده گئرچکلشدیریلمیش اولماسی تاریخی بیر اهمیت داشیماقدادی"
تورکیه، آذربایجاندا دونن تشکیل ائدیلهن ۷.جی دؤور میللی مجلیس سئچکیلرینین، ایشغالدان قورتاریلان تورپاقلار داخیل اؤلکهنین هر یئرینده گئرچکلشدیریلمیش اولماسینین تاریخی بیر اهمیت داشیدیغینی بیلدیردی.
خاریجی ایشلر ناظیرلیگیندن وئریلهن یازیلی شرحده، دونن ائدیلهن ۷.جی دؤور میللی مجلیس سئچکیلرینین "قارداش" آذربایجانا خیرلی اولماسی آرزوسو ائدیلدی.
شرحده، "سؤزو گئدن پارلمان سئچکیلرینین، ایشغالدان قورتاریلان تورپاقلار داخیل، آذربایجانین بوتونونده گئرچکلشدیریلمیش اولماسی تاریخی بیر اهمیت داشیماقدادیر. آذربایجان خالقینین ایرادهسینی اورتایا قویدوغو سئچکیلرین، جنوبی قافقازدا قالیجی باریش و ثابیتلیگین تاسیسینه قاتقی تامین ائدجگینه اینانیریق" ایفادهلرینه یئر وئریلدی.
آذربایجاندا تشکیل ائدیلهن سئچکیلرده، رسمی اولمایان ایلک نتیجهلره گؤره اقتدارداکی یئنی آذربایجان پارتیسی، پارلماندا ان چوخ کورسویه صاحب پارتی اولموشدو.
