آذربایجان صاندیق باشیندا

آذربایجان‌دا خالق صاباح 7-جی دفعه اؤز میللت وکیلینی سئچمک اوچون صاندیق باشینا گئده‌جک.

پرئزیدئنت ایلهام علیئوین ایونون 28-ده پارلامئنتی فصح ائتمه‌سیندن و ارکن سئچکیلرین کئچیریلمه‌سی باره‌ده قراریندان سونرا سئچکی پروسه‌سینه داخیل اولان آذربایجان‌دا کئچیریله‌جک سئچکی‌دن سونرا یئنی پارلامئنت فورمالاشاجاق.

سئچکی‌ده آذربایجان میللی مجلیسینده 125 صندل اوچون 990 نامیزد موباریزه آپاراجاق.

6 میلیون 421 مین قئیده آلینمیش سئچیجینین سس وئرجگی سئچکی‌ده پرزیدنت علیئوین رهبری اولدوغو یئنی آذربایجان پارتیسی ده داخیل اولماقلا 25 سیاسی پارتینین نامیزدی و موستقیل نامیزدلر ایشتیراک ائد‌جک.

سئچکیلری تخمیناً 112 مین یئرلی، 604 خاریجی گؤزلمچی ایزله‌یه‌جک.

آوروپادا تهلوکه‌سیزلیک و امکداش‌لیق تشکیلاتینین دموکراتیک قوروملار و اینسان حاقلاری بوروسو، آوروپادا تهلوکه‌سیزلیک و امکداش‌لیق تشکیلاتینین پارلامئنت قورولو، موستقیل دؤولتلر بیرلیگی، تورک دؤولتلری تشکیلاتی، تورک دؤولتلری پارلامئنت قورولو کیمی بین الخالق تشکیلاتلارین موشاهیده‌چی هئیتلری ده  سئچیمی تعقیب ائده‌جک.

آذربایجان‌دا سئچکیلری ایزله‌یه‌جک نماینده هئیتلری آراسیندا تورکیه بؤیوک میللت مجلیسینین نماینده هئیتی ده وار.

سس وئرمه یئرلی واختلا ساعات 08:00-دا باشلایاجاق و 19:00-دا باشا چاتاجاق.