تورکیه‌، آذربایجان و ایران اونیوئرسیتئلری آراسیندا کیمیا و اطراف موحیط اوزره اوچ طرفلی آنلاشما

اوچ‌طرفلی مئموراندوم (یاداشت تفاهم) اساسایندا تورکیه‌نین ارجیس اونیوئرسیته‌سی، آذربایجان رئسپوبلیکاسی‌نین خزر اونیوئرسیته‌سی و تبریزین شهید مدنی آذربایجان‌ اونیوئرسیته‌سی کیمیا (شیمی) و اطراف موحیط (محیط‌زیست) ساحه‌سینده علمی اینکیشاف اوچون امکداشلیق ائدیرلر.

ایرنا خبر آژانسی‌نین وئردیگی معلوماتا گؤره، بو مئموراندوم تبریزده شهید مدنی آذربایجان اونیوئرسیته‌سینین "۱۱-جی بین الخلق کیمیا و اطراف موحیط کونفرانسی"ندا ایمضالانیب.

بو گون تبریزده شهید مدنی آذربایجان اونیوئرسیتئتینده تورکیه‌، آذربایجان و ایران‌دان اولان یئرلی و خاریجی پروفئسسور، تدقیقاتچی و طلبه‌لرین ایشتیراکی ایله کیمیا و اطراف موحیط اوزره ۱۱-جی بین الخلق کونفرانس اؤز ایشینه باشلاییب.