میرضیایئودن کیملیکله سرحد گئچیشی تطبیقی تکلیف ائتدی

اؤزبکیستان دؤولت باشقانی شؤوکت میرضیایئو، اورتا آسیا دؤولتلری آراسیندا کیملیکله سرحد گئچیشی تطبیقی تکلیف ائتدی.

آستانادا تشکیل ائدیله‌ن اورتا آسیا دؤولت باشقانلاری آلتینجی مشاویره ییغینجاغیندا دانیشان میرضیایئو، توریزمین بؤلگه‌سل اورتاقلیقدا یئنی بیر موتور گوج اولدوغونو وورغولادی. دؤولت باشقانی، "تک تور - بوتون بؤلگه" اصلی ایله یئنی کوتلوی توریزم محصوللاری اینکیشاف ائتدیرمه‌یی ده تکلیف ائتدی.

اؤزبکیستان لیدئری، سون آلتی ایلده اورتا آسیا دؤولتلرینین اورتاق پروبلئملری حل ائتمه قونوسوندا دایانیشماسی اهمیتلی اؤلچوده آرتیردیقلارینی، تیجارت، سرمایه، نقلیات، سیاحت کیمی ساحه‌لرده گئرچکلشدیریلن پروژه‌لر سایه‌سینده اورتاق بؤلگه کیملیگینین گئده‌رک گوجلندیگینی سؤیله‌دی.

۱ سپتامبر ۲۰۲۳دن بری قیرقیزیستان و اؤزبکیستان آراسیندا بونا بنزر بیر سیستم گئچرلی. ایکی اؤلکه وطنداشلاری پاسپورت یئرینه کیملیک کارتلاریندان ایستیفاده ائد‌رک سرحددن گئچه‌بیلیرلر.