علییئو، سرگئی شویقونو قبول ائدیب
علییئو: بعضی قونشو دؤلتلر اوچون نومونه اولان آذربایجان-روسیه موناسیبتلری گونئی قافقازدا و داها گئنیش جوغرافیادا تهلوکهسیزلیک اوچون اؤنملی عامیلدیر
آذربایجان جمهور باشقانی ایلهام علییئو روسیه تهلوکهسیزلیک شوراسینین کاتیبی سرگئی شویقونو قبول ائدیب.
آذربایجان جمهور باشقانیلیغیندان وئریلن بیلگیلره گؤره، علییئو دانیشیقلار اوچون باشکند باکییا گلن شویقونو قبول ائدیب بیلدیریب کی بعضی قونشو دؤلتلر اوچون نومونه اولان آذربایجان-روسیه موناسیبتلری گونئی قافقازدا و داها گئنیش جوغرافیادا تهلوکهسیزلیک اوچون اؤنملی عامیلدیر.
شویقو آذربایجان ایله روسیه آراسیندا بؤلگهسل تهلوکهسیزلیک، حربی، نقلیات و اقتیصادیات ساحهلرینده علاقهلرین اوغورلا اینکیشاف ائتدیگینی بیلدیریب.
روسیه ایله آذربایجان آراسیندا ایکیطرفلی امکداشلیغین گوندلیگینده چوخ اؤنملی مسئلهلرین اولدوغونو وورغولایان شویقو بوتون مسئلهلرین اوغورلا حل اولوندوغونو قید ائدیب.
شویقو بیان ائدیب کی، اؤلکهسی آذربایجان و ارمنیستان آراسیندا موناسیبتلرین نورماللاشماسی پروسهسینی دستهکلهییر.
علییئو و شویقو تورکیه، روسیه و ایرانین آذربایجان، ارمنیستان و گورجوستانلا ۳+۳ فورماتیندا امکداشلیق ایمکانلارینی موذاکیره ائدیبلر.
