علی‌یئو: 21-نجی عصر تورک دونیاسینین اینکیشاف عصری اولمالی‌دیر

آذربایجان پرئزیدئنتی بیلدیریب کی، 21-نجی عصر تورک دونیاسینین اینکیشاف عصری اولمالی‌دیر.

2159995
علی‌یئو: 21-نجی عصر تورک دونیاسینین اینکیشاف عصری اولمالی‌دیر

 

آذربایجان پرئزیدئنتی ایلهام علی‌یئو بیلدیریب کی، 21-نجی عصر تورک دونیاسینین اینکیشاف عصری اولمالی‌دیر.

علی‌یئو آذربایجانین شوشا شهرین‌ده کئچیریلن تورک دؤولتلری تشکیلاتینین دؤولت باش‌چیلارینین غیری-رسمی زیروه توپلانتی‌سین‌دا چیخیش ائدیب.

تورک دؤولتلری تشکیلاتینین دونیانین گوج مرکزلرین‌دن بیرینه چئوریلمه‌لی اولدوغونو وورغولایان علی‌یئو، "بیز بؤیوک بیر جوغرافی اراضینی احاطه ائدیریک. اؤلکه‌لریمیزده اولوملو دموگرافیک دینامیزم وار. بیزیم نیظامی پوتانسیلیمیز ساواش میدانین‌دا اؤزونو دفعه‌لرله نوماییش ائتدیریب. زنگین طبیعی ثروتلریمیز، نقلیات باغلانتی‌لاری، زنگین تاریخ و مدنیتمیز بیزیم بؤیوک وارلیغیمیزدیر. 21-نجی عصر تورک دونیاسینین اینکیشاف عصری اولمالی‌دیر." دئدی.

نقلیات کوریدورلارین‌دان دانیشان علی‌یئو دئییب کی، "شرق-غرب نقلیات کوریدورلارینین گئنیشلندیریلمه‌سی بیزیم اؤنجه‌لیگیمیزدیر" دئدی.

نویابرین 11-22-سینده آذربایجانین بیرلشمیش میللتلر تشکیلاتینین ایقلیم دییشیک‌لیگی چرچیوه سؤزلشمه‌سینین (COP 29) 29-نجو طرفلر کونفرانسینا ائو صاحب‌لیگی ائدجیگینی خاطیرلادان علی‌یئو تورک دؤولتلری تشکیلاتینین رهبرلرینی بو تدبیره دعوت ائدیب.

علی‌یئودن باشقا قازاخیستان پرئزیدئنتی کاسیم جؤمرت توکایئو، اؤزبکیستان پرئزیدئنتی شئوکت میرضیایئو، قیرقیزیستان پرئزیدئنتی صدیر چاپاروو، قوزئی قبریس تورک جمهوریتی پرئزیدئنتی ارسین تاتار، ماجاریستانین باش ناظیر ویکتور اوربان و تورک دؤولتلری تشکیلاتینین باش کاتیبی سفیر کوبانیچبئک اؤمورعلیئو ایجلاسا قاتیلیب.

"نقلیات باغلانتی‌سی و ایقلیم فعالیتی ایله سوردوروله‌بیلیر گله‌جگین قورولماسی" مؤوضوعسون‌دا کئچیریلن ایجلاسدا تورکیه‌نی جمهورباشقانی یاردیمچیسی جئودت ییلماز تمثیل ائدیب. ییلمازا خاریجی ایشلر ناظیری هاکان فیدان یولداشلیک ائدیب.



ایلگیلی‌لی خبرلر