تورکیه-آذربایجان-پاکیستان آراسینداکی امکداشلیق گوجلندیریله‌جک

"تورکیه-آذربایجان-پاکیستان آراسینداکی امکداشلیغین گوجلندیریلمه‌سینین اوچ اؤلکه خالقلارینین رفاهینا قاتقی وئرمه‌نین یانیندا منطقه و دونیا باریشینا و ثابتلیگینه خیدمت ائدجگی اۆزرینده راضی قالینمیشدیر"

2159656
تورکیه-آذربایجان-پاکیستان آراسینداکی امکداشلیق گوجلندیریله‌جک

تورکیه-آذربایجان-پاکیستان آراسینداکی امکداشلیغین گوجلندیریلمه‌سینین منطقه و دونیا باریشینا و ثابتلیگه خیدمت ائدجگی اوزرینده راضی قالیندی.

خاریجی ایشلر باخانلیغیندان وئریلن اورتاق آچیقلامادا، جمهورباشقانی رجب طیب اردوغان، آذربایجان جمهورباشقانی ایلهام علییئو و پاکیستان باشباخانی شهباز شریفین ۳ جولایدا قازاقیستانین باشکندی آستانادا شانگهای امکداشلیق تشکیلاتی ۲۴.جو دؤولت باشقانلاری شوراسی وسیله‌سی ایله بیر آرایا گلدیگی؛ اوچلو ذیروه‌ده تورکیه، آذربایجان و پاکیستان آراسینداکی علاقه‌لرین اله آلیندیغی، "غزه، قیبریس، کشمیر، ایسلاموفوبی" کیمی منطقه و دونیادا اولان مؤوضوعلارین دگرلندیریلدیگی ایفاده ائدیلدی.

آچیقلامادا، سؤزو گئدن ذیروه‌ده، داها اول پارلمان باشقانلاری و خاریجی ایشلر باخانلاری سویه‌سینده ییغینجاقلار تشکیل ائدیلمیش اولان اوچلو امکداشلیق مدتینین لیدئرلر سویه‌سینه داشینماسینین قرارلاشدیریلدیغی، دوست و قارداش اوچ اؤلکه آراسینداکی امکداشلیق ایمکانلارینین اینکیشاف ائتدیریلمه‌سینه دایر گوجلو ایرادنین تصدیق ائدیلدیکی وورغولاندی.

"تورکیه-آذربایجان-پاکیستان آراسینداکی امکداشلیغین گوجلندیریلمه‌سینین اوچ اؤلکه خالقلارینین رفاهینا قاتقی وئرمه‌نین یانیندا منطقه و دونیا باریشینا و ثابتلیگینه خیدمت ائدجگی اۆزرینده راضی قالینمیشدیر" ایفاده‌سینه یئر وئریله‌ن آچیقلامادا، اختیلافلارین اگمنلیگه و تورپاق بۆتوولوگونه سایغی اصولو گۆز اؤنونده توتولاراق ایلگیلی اؤلکه‌لر آراسیندا دیالوگ یولویلا تحلیل ائدیلمه‌سینه ارجحیت وئریلمه‌سینه اوچ اؤلکه‌نین دستگینین وورغولاندیغی بیلدیریلدی.

آچیقلامادا، بونلار قئید ائدیلدی:

"ترورلا مباریزه باشدا اولماق اوزره سرحدی آشان تهدیدلرله مباریزه‌ده اوچ اؤلکه آراسینداکی امکداشلیغین اهمیتی و بو مؤوضوعداکی اورتاق قرارلیلیق آیریجا تصدیق ائدیلمیشدیر. اوچلو امکداشلیق سۆره‌جینین آردینجا ییغینجاقلارینین اؤنوموزده‌کی دؤورنمده تورکییه، آذربایجان و پاکیستاندا تشکیل ائدیلمه‌سی قرارلاشدیریلمیشدیر".



ایلگیلی‌لی خبرلر