علی‌یئو: ارمنیستان آنایاساسینی دییشدیررسه باریش اولار

"ارمنیستان ایله آذربایجان آراسیندا بیر باریش آناشماسینین اولماماسی، هئچ بیر اؤلکه‌نین بؤلگه‌ده‌کی فعالیت سویه‌سینی تعیین ائد‌ن فاکتور اولا بیلمز"

2158096
علی‌یئو: ارمنیستان آنایاساسینی دییشدیررسه باریش اولار

آذربایجان جمهورباشقانی ایلهام علی‌یئو، ارمنیستانلا باریش آنلاشماسینین تمل شرطینین، اؤلکه‌سینه قارشی تورپاق ادعالاری اولان ارمنیستان آنایاساسینین دییشدیریلمه‌سی اولدوغونو بیلدیردی.

آذربایجان جمهورباشقانلیغیندان وئریلن آچیقلامایا گؤره، کانادانین یئنی باکی ائلچیسی کئوین همیلتون، ایلهام علی‌یئوه گووه‌ن مکتوبونو تقدیم ائتدی. علی‌یئو، بو سیرادا ائلچی همیلتونلا صحبت ائتدی.

آذربایجان ایله آوروپا بیرلیگینین ۱۰ اؤلکه‌سی آراسیندا استراتژیک اورتاقلیق بیلدیرگه‌سی ایمضالاندیغینی و بو ایمضالارین چوخونون ۲.جی قاراباغ ساواشی اؤنجه‌سینده (سپتامبر-نوامبر ۲۰۲۰) آتیلدیغینی دیله گتیره‌ن علییئو، "بو باخیمدان ارمنیستان ایله آذربایجان آراسیندا بیر باریش آناشماسینین اولماماسی، هئچ بیر اؤلکه‌نین بؤلگه‌ده‌کی فعالیت سویه‌سینی تعیین ائد‌ن فاکتور اولا بیلمز" ایفاده‌لرینی ایشلتدی.

علی‌یئو، بعضی دؤولتلرین ارمنیستانین ایشغالینا سسسیز قالدیغینی و ایشغال دؤنمینده آذربایجانین تورپاق بوتونلوگونه دستک وئرمه‌دیگینی خاطیرلاداراق، بئله داوام ائتدی:

"ایندی بیز ایشغالچی ارمنیستان اوردوسونو ساواش میدانیندا مغلوب ائتدیکدن و تورپاقلاریمیزدان قوودوقدان سونرا بو اؤلکه‌لردن تورپاق بوتونلوگوموزو دستکله‌دیکلرینه دایر آچیقلامالار ائشیدیریک. آرتیق بعضیلرینین بیزیم تورپاق بوتونلوگوموزو تانیییب تانیماماسی اؤنملی دئییل. بو آچیقلامالار تورپاقلاریمیزین ایشغال آلتیندا اولدوغو دؤورده اؤنم ایفاده ائدیردی".

ارمنیستانلا باریش مدتینه ده توخونان علی‌یئو، بونلاری قئید ائتدی:

"بو زامان آپاراجاق و البته باریش آنلاشماسینین تمل شرطی ارمنیستان آنایاساسینین دییشدیریلمه‌سیدیر. چونکو آذربایجانا قارشی تورپاق ادعالاری اولان و (آنایاسا دییشیکلیگی) اولمادان باریش انلاشماسی ایمضالانمایاجاق. /.../ تمل اصول اوزرینده آنلاشما تامین ائدیب بونلاری پارافلایابیلریک. آنا متن اوزرینده‌کی ایشلر ده داوام ائتدیریلر. آنجاق بو، آنایاسانی دییشدیرسه‌لر اولار".



ایلگیلی‌لی خبرلر