تورکیه قیرقیزیستانا باش ساغلیغی وئریب

تورکیه خاریجی ایشلر ناظیرلیگی قیرغیزیستاندا باش وئرن داشقین‌لار نتیجه‌سینده حیاتینی ایتیرن‌لرله علاقه‌دار بو اؤلکه‌یه باش ساغلیغی وئریب.

خاریجی ایشلر ناظیرلیگی قیرغیزیستانین اوش ویلایتی‌نین نوکات شهرینده باش وئرن داشقین‌لارلا علاقه‌دار بیانات یاییب.

بیاناتدا بو ایفاده‌لره یئر وئریلیب: داشقین‌لار نتیجه‌سینده حیاتینی ایتیرن‌لره الله‌دان رحمت دیلییریک. قیرغیزیستان خالقینا باش ساغلیغی وئریر کئچمیش اولسون آرزولاریمیزی چات‌دیریریق. تورکیه طبیعی فلاکتین یاراتدیغی فسادلارین آرا‌دان قالدیریلماسی اوچون هر جور یاردیما حاضیردیر.

قئید ائدک کی، قیرقیزیستان-دا باش وئرن داشقین‌لار اینسان تلفاتینا سبب اولوب. 1000-دن چوخ آدامین تخلیه ائدیلدیگی بیلدیریلیر.