جمهورباشقانی علییئو، تۆرکپا توپلانتیسیندا دانیشدی

"گون گله‌جک، دونیانین بوتون پروبلئملری تۆرک دؤولتلری تشکیلاتی ایله موشاویره یولویلا حل ائدیله‌جک"

2149858
جمهورباشقانی علییئو، تۆرکپا توپلانتیسیندا دانیشدی

آذربایجان جمهورباشقانی ایلهام علییئو، تۆرک دؤولتلری تشکیلاتینین کوره‌سل اؤلچکده بؤیوک گۆج مرکزی حالینا گله‌جگینی سؤیله‌یه‌رک،

"گون گله‌جک دونیانین بوتون پروبلئملری تۆرک دؤولتلری تشکیلاتی ایله موشاویره یولویلا حل ائدیله‌جک" دئدی.

ایلهام علییئو، تۆرک دؤولتلری پارلامنترلر آسامبله‌‌سی (تۆرکپا) ۱۳.جو باش قورولو دولاییسیلا باشکند باکیدا اولان تۆرکیه بؤیوک میللت مجلیسی باشقانی نعمان قورتولموش، قازاقیستان مجلیسی باشقانی یئرلا‌ن کوشانوو، اؤزبکیستان عالی مجلیسی سنا باشقانی تانزیلا ناربایئوا، قیرقیزیستان مجلیس باشقانی نورلان‌بک شاکیئو، قوزئی قیبریس تۆرک جمهوریتی جمهوریت مجلیسی باشقانی زورلو تؤره، ماجاریستان پارلمانی باشقان کؤمکچیسی مارتا ماتراینی قبول ائتدی.

آذربایجان جمهورباشقانلیغیندان وئریلن آچیقلامایا گؤره قبولدا دانیشان علییئو، تۆرک دؤولتلریله ایلیشکیلری گۆجله‌ندیرمه‌نین و تۆرک دونیاسینین گۆجله‌نمه‌سینین آذربایجانین خاریجی سیاست اؤنجه‌لیکلری آراسیندا اولدوغونو ایفاده ائتدی.

تۆرک دونیاسینین گئنیش جغرافیانی احاطه ائد‌ن، بؤیوک پتانسیله صاحب بؤیوک عائله اولدوغونو وورغولایان علییئو، "نقلیات یوللاری، انرژی قایناقلاری، اینسان سرمایه‌سی، آرتان اهالی، مثبت دموگرافیک دوروم بؤیوک گۆج پتانسیللریدیر. بو پتانسیلی کۆره‌سل اؤلچکده بؤیوک بیر گۆجه چئویرمک بیزیم وظیفه‌میزدیر. بونون اولاجاغینا امینیم، بونو گؤروروک" دئیه دانیش‌دی.

علییئو، بونلاری قئید ائتدی:

"تۆرک دونیاسینین گۆجله‌نمه‌سی و بیرلشمه‌سی، تۆرک دونیاسینی و تۆرک دؤولتلری تشکیلاتینی قلوبال اؤلچک‌ده بؤیوک گۆج مرکزی حالینا گتیره‌جک. مؤوجود گۆج مرکزلری بحراندا. هر بیرینین اؤز بحران چرچیوه‌سی واردیر. بیزده ایسه تام ترسینه پتانسیلیمیز هر گئچه‌ن گون بؤیویور. بو بیرلیک طبیعیدیر، بو بیرلیگین تملینده اورتاق کؤکلر واردیر. بو سببدن بو بیرلیک دیگر بوتون بیرلیکلردن داها گۆجلودور. یعنی بیزیم بیرلیگیمیز ائتنیک و مد‌نی منشأ‌لره دایانماقدادیر و البته بو بیرلیگی عملی آددیملارلا گۆجله‌ندیرمه‌میز لازیمدیر".

تۆرک دونیاسینین گۆجله‌نمه‌سی اوچون توپلومون هر کسیمینین عینی هدف ایستیقامتینده حرکت ائتمه‌سی لازیم اولدوغونو وورغولایان علییئو، بئله داوام ائتدی:

"گون گله‌جک، دونیانین بوتون پروبلئملری تۆرک دؤولتلری تشکیلاتی ایله موشاویره یولویلا حل ائدیله‌جک. بیز امکداشلیق و دوستلوقدان یاناییق. بیرلیگیمیز کیمسه‌یه قارشی دئییل. تهدید قایناغی دئییلیک و اولمایاجاغیق. اؤز حاقیمیزی مدافعه ائدیریک و بیر بیریمیزه دستک اولوروق".



ایلگیلی‌لی خبرلر