آذربایجاندان ارمنیستانا چاغری
"آذربایجان، باریش آنلاشماسینین تئز زاماندا نتیجه‌لندیریلمه‌سی اوچون ارمنیستان ایله آراچی اولمادان ایکیلی موذاکیره‌لره حاضردیر"
آذربایجان، باریش آنلاشماسی اوچون ارمنیستانا بیرباشا ایکیلی موذاکیره‌لره باشلاما چاغریسی ائتدی.
آذربایجان خاریجی ایشلر باخانلیغیندان وئریلن آچیقلامادا، آذربایجانین باریش آنلاشماسی تاسلاغینا باغلی تکلیفلرینه ارمنیستانین جاواب وئرمه‌سینین تخمیناً ۲،۵ آی آلما‌سینین، سۆره‌جی جدی معنادا گئجیکدیردیگی ایفاده ائدیلدی.
باریش گؤروشمه‌لرینده‌کی دورغونلوغون بؤلگه‌ده ثابتلیک و رفاها قاتقی وئرمه‌دیگی بیلدیریلن آچیقلامادا،
"آذربایجان، باریش آنلاشماسینین تئز زاماندا نتیجه‌لندیریلمه‌سی اوچون ارمنیستان ایله دوغرودان (آراچی اولمادان) ایکیلی موذاکیره‌لره حاضردیر. ایکی اؤلکه‌نین گله‌جکده‌کی ایلیشکیلرینه بیرلیکده قرار وئرمه‌سی لازیم اولدوغونا اینانیریق" دئییلدی.
آچیقلامادا، ایکی اؤلکه‌نین قارشیلیقلی اولاراق قبول ائدیله‌بیلیر بیر یئرین سئچیلمه‌سی و یا سرحدده بیر توپلانتی ائدیلمه‌سینه قرار وئریلمه‌سی ده داخیل اولماق اوزره باریش سۆره‌جینین داوامیندان مسئول اولدوغو ایفاده ائدیله‌رک،
"ارمنیستان طرفینه یئنی گرکسیز گئجیکمه‌لردن قاچینما چاغریسی ائدیریک و موذاکیره‌لرین تئزلیکله باشلاماسی اوچون بو چاغریا مثبت جاواب وئرمه‌لرینی اومود ائدیریک" دئییلدی.
ارمنیستان خاریجی ایشلر باخانلیغی، آذربایجانین باریش آنلاشماسی تاسلاغی تکلیفینه ۲،۵ آی گئجیکمه ایله جاواب وئرمیشدی.
ایلگیلی‌لی خبرلر
تورکیه-آذربایجان ایکیلی مانورو تاماملاندی
میللی مدافعه ناظیرلیگی، "تورکیه-آذربایجان ایکیلی سات مانورو-۲۰۲۴"ون موفقیتله تاماملاندیغینی بیلدیردی
