باخان اورالاوغلو: آذربایجان ایله چوخ یاخین چالیشیریق
"زنگهزور باغلانتیسینین حیاتا گئچمهسینین بوتون تۆرک دونیاسینی بیر بیرینه باغلایاجاق اؤنملی بیر آددیم اولاجاغینا اینانیرام"

اولاشدیرما و آلتیاپی باخانی عبدالقادیر اورالاوغلو، بوتون بؤلگه اؤلکهلرینین ایستیفاده ائدجگی زنگهزور دالانینین باغلانتیلاری ایله بیر تئز زاماندا بیتیریلمهسی اوچون آذربایجان ایله چوخ یاخین چالیشدیقلارینی سؤیلهدی.
آذربایجانین زنگیلان شهرینده تشکیل ائدیلهن تۆرک دؤولتلری تشکیلاتی اولاشدیرما باخانلاری ۷.جی ییغینجاغیندا دانیشان اورالاوغلو، زنگهزور باغلانتیسی اۆزریندن یئنی فورصتلر اورتایا چیخدیغینی و بو باغلانتینین قافقازداکی نورماللاشما اوچون حیاتی اؤنم داشیدیغینی قید ائدرک بونلاری سؤیلهدی:
"تورکیه ایله آذربایجان آراسیندا بیر باشا دمیر یولو و قورو یولو اولاشیمی تامین ائدجک بو باغلانتینین حیاتا گئچمهسینین بوتون تۆرک دونیاسینی بیر بیرینه باغلایاجاق اؤنملی بیر آددیم اولاجاغینا اینانیرام. بوتون بؤلگه اؤلکهلرینین قوللاناجاغی بو خطین باغلانتیلاری ایله تئز زاماندا بیتیریلمهسی اوچون آذربایجان ایله چوخ یاخین چالیشیریق. تۆرک دؤولتلری تشکیلاتی چتری آلتیندا دا هاواچیلیق ایدارهلریمیزین گؤروشمهلره باشلاماسیندان دویدوغوموز سئوینجی آیریجا ایفاده ائتمک ایستهیرهم".
ایلگیلیلی خبرلر

قازاخیستان و تورکمنیستان نقلیات دهلیزلرینین پتانسیلینی آرتیرماق بارهده راضیلیغا گلیبلر
قازاخیستان و تورکمنیستان اؤز نقلیات دهلیزلرینین پتانسیلینی آرتیرماق بارهده راضیلیغا گلیبلر.