اردوغان: تورک دؤولتلری تشکیلاتی چتری آلتیندا بیرلشمهمیز اؤنملیدیر
اردوغان، تورکیهیه رسمی سفرده اولان تورکمنیستان دؤولت باشقانی سردار بردیمحمدوو ایله جمهورباشقانلیغی کوللیهسینده باش باشا گؤروشدو
جمهورباشقانی رجب طیب اردوغان، تورکمنیستانی تورک دؤولتلری تشکیلاتیندا تام عضو اولاراق گؤرمک ایستهدیکلرینی بیلدیردی.
اردوغان، تورکیهیه رسمی سفرده اولان تورکمنیستان دؤولت باشقانی سردار بردیمحمدوو ایله جمهورباشقانلیغی کوللیهسینده باش باشا گؤروشدو.
ایکی اؤلکه هیئتلرینین ده بیر آرایا گلمهسینین آردیندان، تورکیه ایله تورکمنیستان آراسیندا آنلاشمالار ایمضالاندی.
ایمضا مراسیمی سونراسی اردوغان و بردیمحمدوو، اورتاق مطبوعات توپلانتیسی تشکیل ائتدی.
بورادا دانیشان جمهورباشقانی اردوغان، سفرین، بردیمحمدووون دؤولت باشقانی اولاراق تورکیهیه گئرچکلشدیردیگی ایلک سفر اولماسی سببی ایله آیری بیر اؤنم داشیدیغینا ایشاره ائدرک، "اورتاق تاریخ، دیل، دین و مدنیته دایانان ایلیشکیلریمیز، قارشیلیقلی سایغی، امکداشلیق و اورتاق چیخارلار تملینده هر گئچهن گون داها دا گوجلنهرک گلیشیر" ایفادهسینی ایشلتدی.
گؤروشمهلرده ایکی اؤلکه ایلیشکیلرینی بوتون یؤنلری ایله دگرلندیردیکلرینی، امکداشلیق ایمکانلارینی اله آلدیقلارینی بیلدیرن اردوغان، بردیمحمدوو ایله تورکمنیستانین دایمی طرفسیزلیک ایستاتوسو تملینده، غزه باشدا اولماق اوزره بؤلگهنین قارشی قارشییا قالدیغی گونجل مسئلهلر حاقیندا فیکیر آلیش وئریشی ائتدیکلرینی ایفاده ائتدی.
تورکمنیستان ایله بیر چوخ قونودا بنزر دونیاگؤروشلرینه صاحب اولدوقلارینی دیله گتیرهن اردوغان،
"دونیادا و اؤزللیکله بؤلگهمیزده بو آندا یاشانان گلیشمهلر، تورک دؤولتلری تشکیلاتی چتری آلتیندا بیرلشمهمیزین اؤنمینی ده اورتایا قویموشدور. تورک دؤولتلری تشکیلاتینا گؤزلمچی عضو اولان تورکمنیستانی آرتیق عائله مجلیسیمیزده تام عضو اولاراق گؤرمک ایستهدیگیمیزی تکرار وورغولاماق ایستهییرم" دئدی.
تورکمنیستانین مستقیللیگینی تانییان ایلک اؤلکه اولان تورکیهنین، مستقیللیگیندن بو یانا هر زامان تورکمن قارداشلارینین یانیندا اولدوغونو، اولماغا دا داوام ائدجگینی ایفاده ائدن اردوغان، ایمضالانان ۱۳ باشلیقداکی پروتوکوللارلا تورکیه-تورکمنیستان آراسینداکی گوجون هارا چاتدیغینین گؤرولدوگونو سؤیلهدی.
تورکمنیستان دؤولت باشقانی بردیمحمدوو دا، دوستلوق، سایغی قارشیلیقلی برابرلیک ایلکهلرینه دایانان استراتژیک اؤزللیکدهکی تورکمن-تورک امکداشلیغی گلهجکده ده گلیشدیرمهیه و گوجلهندیرمهیه حاضر اولوندوغونون تائید ائدیلدیگینی بیلدیردی.
بردیمحمدوو، اردوغان ایله تورکمن طبیعی گازینین و الکتریک انرژیسینین خزر دنیزی اوزریندن تورکیهیه چاتدیریلماسی قونوسونو دگرلندیردیکلرینی سؤیلهدی.
بردیمحمدوو، آیریجا، ایکیلی تیجارت حجمینین آرتیریلماسینین اؤنمینه دقت چکیلدیگینی سؤیلهدی.
جمهورباشقانی اردوغان، بردیمحمدوو شرفینه آخشام یئمهیی وئردی.
ایلگیلیلی خبرلر
بایراکتار TB3 سلاحلی هاوا آراجی (سیها) ایلک آتیش سیناغیندا هدفی دقیق ووروب
بایراکتار TB3 SİHA، روکئتسان طرفیندن حاضیرلانمیش ایکی MAM-T سورساتی ایله هاوایا قالخدی
قازاقیستاندا «قازاخ تازیسی» آدلی یئنی ایت جینسی پاتئنتلشدیریلیب
قازاخ تازی ایتلری آجلیغا و بؤلگهنین سویوق هاواسینا کیفایت قدر داواملی جینس کیمی تانینیر
