تورکیه، تورک دؤولتلری امکداشلیق گونونو قوتلادی
"تورکیه، تورک دونیاسینی بیرلیکده داها گوجلو قیلماق و تورک امکداشلیغینی گلیشدیرمک اوچون ایشلرینی سرعت کسمه‌دن داوام ائتدیره‌جک"
تورکیه، تورک دؤولتلری امکداشلیق گونونو قوتلادی.
خاریجی ایشلر باخانلیقیندان وئریله‌ن یاز‌لی آچیقلامادا،
"۱۹۹۲ ایلین‌ده 'تورک دیلی دانیشان اؤلکه‌لر دؤولت باشقانلاری ذیروه‌لری' اولاراق باشلاتدیغیمیز سوره‌ج، عضو اؤلکه‌لرین سرگیله‌دیگی گوجلو اراده و اورتاق چابالاری سایه‌سینده، بو گون تام تشکوللو اولوسلارآراسی بیر تشکیلاتا صاحب اولمامیزلا نتیجه‌لنمیشدیر" ایفاده‌سی ایشله‌دیلدی.
تورک دؤولتلری تشکیلاتینین، عضو اؤلکه‌لر آراسیندا امکداشلیغین سرعتله گلیشدیریلمه‌سی و درینلشدیریلمه‌سی، اولوسال ظرفیتلرین اویوملو حالا گتیریلمه‌سی، قلوبال پلاندا مسئول و حساس بیر بؤلگه‌سل آکتور اولاراق باریش و ثابتلیگه خیدمت ائتمه‌یی هدفله‌دیگی ایفاده ائدیله‌ن آچیقلامادا،
"تورکیه، تورک دونیاسینی بیرلیکده داها گوجلو قیلماق و تورک امکداشلیغینی گلیشدیرمک اوچون ایشلرینی سرعت کسمه‌دن داوام ائتدیره‌جک" ایفاده‌سینه یئر وئریلدی.
آچیقلامادا، تورک دؤولتلری تشکیلاتینین قورولوشونون تمللرینی آتان ناخچیوان آنلاشماسینین ایمضالانماسینین ۱۴.جو ایل دؤنومو وسیله‌سی ایله، تورک دؤولتلری امکداشلیق گونونون اورکدن قوتلاندیغی قید ائدیلدی.
