بیرلشمیش میللتلر هیئتی قاراباغدا

بیرلشمیش میللتلردن بیر هیئت، آراشدیرمالار آپارماق اوزره آذربایجانین قاراباغ بؤلگه‌سینه گئتدی.
آغدام-خانکندی یولو ایله بؤلگه‌یه چاتان بیرلشمیش میللتلر هیئتی، لاچینداکی سرحد کنترل نقطه‌سینده و خانکندی شهرینده آراشدیرمالار آپاردی.
بیرلشمیش میللتلر نماینده‌لیگینین بو سفری، بؤلگه‌یه تخمیناً ۳۰ ایل آرانین آردیندان گئرچکلشن ایلک سفر اولما اؤزللیگینی داشیییر.
آذربایجان خاریجی ایشلر باخانلیغی سؤزچوسو آیخان حاجیزاده، آذربایجان اوردوسونون گئچه‌ن آی گئرچکلشدیردیگی و ۲۴ ساعات داوام ائد‌ن آنتی‌ترور عملیاتی سونراسیندا، بؤلگه‌ده‌کی وضعیتی گؤرمه‌لری اوچون بیرلشمیش میللتلرین ایلگیلی تشکیلاتلاریندان عبارت اولان بیر هیئتی آذربایجانا دعوت ائتدیکلرینی بیلدیرمیشدی.
حاجیزاده، هیئتین، آذربایجانین بؤلگه‌ده‌کی اینسانی فعالیتلرینی، آلت یاپی ایشلرینی، یاسادیشی ارمنی گوجلرینین سیلاحسیزلاندیریلماسی مدتینی و مین تهلوکه‌سینی یئرینده ایزله‌یه‌جگینی ایفاده ائتمیشدی.