آذربایجان: ارمنیستان سیاسی تخریبات ائدیر
"اولوسلارآراسی توپلوم، آغدام-خانکندی یولوندان ایستیفاده ائدیلمه‌سی و قاراباغین ارمنی اهالیسینین آذربایجانا قایناشماسی قونوسویلا باغلی آچیق مئساژ وئرمه‌لیدیر. باشقا یول یوخدور. اویون بیتدی"
آذربایجان جمهورباشقانی مشاویری حیکمت حاجییئو، ارمنیستانین قاراباغ‌داکی ارمنی اهالییه لاچین-خانکندی یولوندان ایستیفاده ائد‌رک "اینسانی کؤمک" آدییلا لوازیم گؤندرمه گیریشیمینی "سیاسی تخریبات" اولاراق دگرلندیردی.
حاجییئو، توییتر حسابین‌دان، ایروان رهبرلیگینین قاراباغ‌داکی ارمنی اهالینین احتیاجلارینی قارشیلاماق سببیله تریلیلرله لوازیم گؤندرمه گیریشیمینی باغلی دانیشدی.
ارمنیستانین آذربایجانا قارشی تورپاق ادعالارینا سون وئرمه‌سی و عسگری گوجلرینی آذربایجانین قاراباغ بؤلگه‌سین‌دن گئری چکمه‌سی لازیم اولدوغونو ایفاده ائد‌ن حاجییئو، ایروان رهبرلیگینین قاراباغ‌داکی یاسا دیشی اویونجاق رژیمی مالیه‌لشدیرمه‌یی دوردورماسی لازیم اولدوغونو قید ائتدی.
حاجییئو، ارمنیستانین لاچین یولو قونوسوندا "سیاسی تخریبات" ائتدیگینی ایفاده ائد‌رک آذربایجان و ارمنیستان لیدئرلرینین بلژیکین باشکندی بروکسل‌ده ائتدیگی سون گؤروشمه‌ده بؤیوک گؤندریملر اوچون آغدام-خانکندی یولوندان ایستیفاده ائدیلمه‌سی قونوسوندا آنلاشمایا واریلدیغینی خاطیرلاتدی.
یالنیز لاچین یولوندان ایستیفاده ائتمک‌ده اصرارچی اولمانین و آغدام یولوندان امتناع ائتمه‌نین قبول ائدیلمز اولدوغونو وورغولایان حاجییئو،
"اولوسلارآراسی توپلوم، آغدام-خانکندی یولوندان ایستیفاده ائدیلمه‌سی و قاراباغین ارمنی اهالیسینین آذربایجانا قایناشماسی قونوسویلا باغلی آچیق مئساژ وئرمه‌لیدیر. باشقا یول یوخدور. اویون بیتدی" ایفاده‌لرینی ایشلتدی.
آذربایجان خاریجی ایشلر باخانلیغیندان وئریله‌ن آچیقلامادا دا باکی ایله دانیشیلمادان آذربایجان تورپاقلارینا "اینسانی کؤمک" آدییلا بیر شئیلر گؤندریلمه‌سینین اؤلکه‌نین تورپاق بوتونلوگونه و اگمنلیگینه قارشی ائیلم و تخریبات اؤزللیگی داشیدیغی ایفاده ائدیلدی.
آچیقلامادا، ایکی اؤلکه خاریجی ایشلر باخانلارینین موسکوادا ائتدیگی گؤروشمه سونراسیندا ارمنیستانین بئله بیر آددیم آتماسینین ایروان رهبرلیگینین صمیمی اولمادیغینی و وضعیتی گرگینلشدیررک اولوسلارآراسی توپلومو یانیلتماق ایسته‌دیگینی گؤستردیی قید ائدیلدی.
آذربایجان خاریجی ایشلر باخانلیغی سؤزچوسو آیخان حاجیزاده ده بو قونویلا باغلی وئردیگی آچیقلامادا، اولوسلارآراسی تعهدلارا باغلی قالدیقلارینی آنجاق آذربایجان تورپاقلارین‌دا یاسا دیشی فعالیتلری مشروعلاشدیرما گیریشیملرینی قرار‌لیلیقلا انگلله‌یه‌جکلرینی ایفاده ائتدی.
