آغدامدا توپلو مزار تاپیلدی

آذربایجانین ارمنیستان ایشغالین‌دان قورتاردیغی آغدام ائلینین ساریجالی کندینده، توپلو مزار تاپیلدی.
بؤلگه‌ده ائدیله‌ن مین تمیزله‌مه ایشلرین‌ده، ۴ نفرین قالیقلاری و عسگری نقلیات آراجی پارچالارینا راست گلیندی.
بو شخصلرین، ۱.جی قاراباغ ساواشیندا اؤلدوروله‌ن آذربایجان‌لی عسگر یا دا وطنداشلارا عاید اولدوغو تخمین ائدیلیر.
آذربایجان اسیر، ایتکین و گیروو وطنداشلار دؤولت کمیسیونو، اینسان قالیقلارینین کیملیک تعیینی و یئنی قالیقلارین تاپیلابیله‌جگی احتیمالینا قارشی بؤلگه‌ده ایش باشلاتدی.
رسمی سندلره گؤره، ۱۹۹۰-جی ایللرین باشلاریندا، ۱.جی قاراباغ ساواشیندا آذربایجان‌لی ۳ مین ۸۹۰ عسگر و وطنداش ایتدی.
آذربایجان، ارمنیستانلا ائدیله‌ن موذاکیره‌لرده، ایتکین شخصلر قونوسونو هر زامان گوند‌مه گتیریر و بو شخصلرین عاقیبتینین آچیغا قوووشدورولماسینی طلب ائدیر.
ایشغال‌دان قورتاریلان بؤلگه‌لرده، داها اؤنجه‌ده ۷ توپلو مزار تاپیلمیشدی.