قازاقیستان روسیادان اوچاق یاناجاغی وارداتینی یاساقلادی
"بو وضعیت ۲۰-۳۰ درجه هاوا ایستیلیگینده دمیر یولو اوزرین‌ده پاتلامایا سبب اولوشدورابیلر"
1999723
قازاقیستان، روسیادان دمیر یولویلا اوچاق یاناجاغی وارداتینی گئچیجی قاداغان ائتدی.
قازاقیستان انرژی باخانلیغیندان وئریله‌ن آچیقلامادا، گئچیجی قاداغانین اؤلکه‌ده اوچاق یاناجاغینین چوخ میقداردا اولماسی سببی ایله آلیندیغی ایفاده ائدیلدی.
آچیقلامادا، هاوالیمانلارینین احتیاجلاری اوچون آلماتی‌ده ۲۵ مین تون، آستانادا ایسه ۶ مین تون اوچاق یاناجاغینین واگونلاردا گؤزله‌دیلدیگی قید ائدیلرک،
"بو وضعیت ۲۰-۳۰ درجه هاوا ایستیلیگینده دمیر یولو اوزرین‌ده پاتلامایا سبب اولوشدورابیلر" ایفاده‌سی ایشله‌دیلدی.
قاداغا قرارینین مدتینه باغلی قطعی تاریخ وئریلمه‌دی.
روس مئدیاسی، داها اؤنجه قازاقیستانین میللی دمیریولو شیرکتینین ۱۴ ژوئن ایله ۱۴ جولای آراسین‌دا روس اوچاق یاناجاغینین داشینماسینی قاداغان ائتدیگینی بیلدیرمیشدی.
